Lingvomádeniyat

Lingvokognitiv koncept – bul individuallıq sanadan mádeniyatqa qaray baǵdarlanıw esaplanadı.

Lingvomádeniy koncept – bul mádeniyattan individual sanaǵa qaray baǵdarlanıw.

Lingvomádeniy qatnas jasaw – komponentleri bir pútin bolǵan mádeniy konceptlerdi konkretlesken halda úyreniw. Bunda mádeniyat wákilleri ushın qımbatlı bolǵan anaw yaki mınaw predmetlerge, qubılıslarǵa, ideyalarǵa qatnası itibarǵa alınadı.

Mádeniy sema – sózge qaraǵanda kishilew hám universallaw bolǵan semantik birlikler, semantikalıq belgiler.

Mádeniy miyras – mádeniyat ushın áhmiyetli bolǵan mádeniy baylıqlardıń, informaciyalardıń beriliwi.

Fenomen – grek tilinen alınıp, “júz beriwshi” degendi bildiredi. 1) ózgeshe, kemnen-kem bolatuǵın hádiyse, fakt; 2) tuyǵı-sezim tájiriybesi menen ańlanatuǵın hádiyseni bildiriwshi filosofiyalıq túsinik.

Individual – latınsha “ajıralmas, ajıralmaǵan, bóleklenbegen” degen mánilerdi bildiredi. Hár bir shaxs yaki nárse, hádiysege baylanıslı jumsalıwshı termin.