Lingvomádeniyat

Kongnitiv lingvistika – til járdeminde bilimlerdi saqlaw, bayanlaw hám uzatıw mexanizmlerin, til hám sana múnasibetin, álemdi konseptuallastırıw, biliw processlerinde tájiriybelerdi ulıwmalastırıwda tiliń ornı sıyaqlı maselelerdi úyreniwhi taraw.

8-lekciya. Lingvomádeniy birlikler

Glossariy

Arxetip – individual sanada qálegen orında júzege shıǵatuǵın hám mádeniyatqa keńnen jayılǵan turaqlı obraz.

Frazeologizm – leksikalıq mánisi bir sózge barabar sózlerdiń turaqlı dizbegi.

Lingvomádeniy birlik – tillik belginiń mánisi hám mádeniy mazmun birikpesinen ibárat,semantikasinda mádeniy xabar anıq sáwlelengen til birlikleri.Ásirese,frazeologizmler,etalonlar,belgiler,metaforalar,teńewler,sóylew etiketleri,úrp-ádet hám dástúrge baylanıslı sózler, jumbaqlar, milliy realialar, arxetipler, mifologemalar, lakunalar, precedent birlikler t.b.

Lakuna (fran.lacune-boslıq,shuqırlıq, J.P. Vine hám J.Darbelen termini) – kommunikaciya barısında belgili bir mádeniyattıń basqa bir mádeniyat wákili tárepinen tolıq yamasa ayırım túsinilmeytuǵın ózine tán bólegi.