Lingvomádeniyat

Sociolingvistika – til hám jámiyetlik turmıs faktleriniń baylanısın izertleytuǵın til iliminiń tarawı.
6-Tema: Lingvokulturologiyanıń izertleniw tarıyxı

Glossariy

Lingvokulturologiya (lat.lingua-til + lat.kultura-sazlaw + grek.logos-táliymat) – til bilimi,mádeniyat tanıw,etnografiya,psixolingvistika tarawları menen birgelikte júzege kelgen,tildiń mádeniyat,etnos,milliy mentalitet penen óz ara baylanısı hám tásirlerin antropocentrik paradigma principleri tiykarında úyreniwshi taraw.

Lingvokultorologiya mektepleri – 20-ásir aqırında Moskvada qáliplesken, lingvokulturologiya tarawı boyınsha izertlew alıp barıwshı ilimiy oray hám toparlar: YU.S. Stepanov mektebi,N.D. Arutyunova mektebi, V.N. Teliya mektebi, B.Varobyev hám V.M.Shakleyn h.t.b. mektebi.

Kognitiv lingvistika (lat.cognitio - bilim) – til járdeminde bilimlerdi saqlaw, bayanlaw hám uzatıw mexanizmlerin, til hám sana múnásibetin, álemdi konseptuallastırıw, biliw processlerinde hám tájiriybelerdi ulıwmalastırıwda tildiń ornı sıyaqlı máselelerdi úyreniwshi taraw.

Metafora (grekshe. kóshiriw) – bir obiekt atın ekinshi obiektke uqsatıw tiykarında kóshiriw; koncepttuallastırıw túrlerinen biri. Metaforalar sóylewde sóz, birikpe, gáp hám tekst tárizinde sáwlelenedi.