Lim vazirligi guliston davlat universiteti

Asosiy muammolar. Navoiy viloyati iqtisodiyotining istiqboli sanoatning tarmoqlar tarkibini takomillashtirish, xususan engil va oziq-ovqat sanoatini rivojlantirish, agrar soxani mustaxkamlash, transport tizimini yaxshilash bilan bog’liq. Shuningdek, qishloq infrastrukturasi va sanoatini rivojlantirish, mehnat resurslaridan to’laroq foydalanish, Navoiy shaxri atrofi ekologiyasini sog’lomlashtirish, aholini toza ichimlik suvi bilan ta’minlash ham (bu muammo ayniqsa Navoiy va Tomdi tumanlarida keskin) muhim ahamiyatga ega.
Navoiy viloyati katta hududiy va hozircha to’la o’rganilmagan mineral xom ashyo zaxiralariga ega. Ularni aniqlash va xo’jalik oborotiga kiritish ayni vaqtda ishlab chiqarishning hududiy tarkibini yaxshilashga ham imkoniyat beradi. Mavjud Navoiy va Zarafshon—Uchquduk ichki iqtisodiy rayonlar rivoj topadi, viloyat hududining iqtisodiy samaradorligi yanada oshadi.
4-asosiy savol bayoni: Samaqand viloyati. Samaqand viloyati 1938 yil 15 yanvarda tashkil topgan. U ma’muriy jihatdan 14 qishloq tumanlaridan (Bo’lung’ur, Jomboy, Ishtixon, Kattaqo’rg’on, Narpay, Nurobod, Okdaryo, Payariq, Pastdarg’om, Paxtachi, Samaqand, Toyloq, Urgut va Qo’shrabot) iborat. Maydoni 16,8 ming km² bo’lib, bu Zarafshon iqtisodiy rayonining 1G’10 qismi, Respublikamizning 3,7 foiziga teng. Ma’muriy markazi — Samaqand shaxri.
Viloyatning hududi uncha katta emas. Uning Zarafshon iqtisodiy rayoniga kiritilishi eng avvalo xavza omili bilan bog’liq. Zarafshon daryosi qadimdan Samaqand va Buxoro — ikki tarixiy shaxarlarni, hozirgi Buxoro, Navoiy va Samaqand viloyatlarini birlashtirgan. Bugungi Samaqand viloyati qo’shni viloyatlarning tutash rayonlari bilan ham azaldan bog’liq (Jizzax viloyatining G’allaorol va Baxmal, Navoiy viloyatining Nurota va Xatirchi, Qashqadaryoning Kitob va Shaxrisabz tumanlari).
Samaqand viloyati mamlakatimiz milliy iqtisodiyotida muhim mavqega ega. Bu erda mashinasozlik, oziq-ovqat sanoatlari, paxta, uzum, tamaki etishtirish, halqaro turizm ixtisoslashgan tarmoqlar hisoblanadi.