Lim vazirligi guliston davlat universiteti

Qishloq xo’jaligi. Xorazm viloyati 1999 yilda O’zbekiston Respublikasi qishloq xo’jaligi mahsulotining 8,7 foizini, shu jumladan dexqonchilikning 9,2 foiz va chorvachilik mahsulotining 8,0 foizini beradi. 2000 yilda ob-xavo sharoitlarining, xususan, dexqonchilik uchun noqulay kelganligi sababli uning ulushi chorvachilikdan kamroq bo’ldi. Chorvachilik mahsuloti 2000 yilda 1,5 marta o’sdi, vaholanki dexqonchilikda bu yilda kamayish yuz berdi. 1999 yilda esa qishloq xo’jalik mahsulotlari qiymat hisobida 108,9 foizga o’sgan edi.
Viloyat 1999 yilda mamlakatimizning 34,8 foiz sholisini, 8 foiz paxta, 8,4 foiz poliz, 10,9 foiz meva va deyarli shuncha sut hamda go’shtini, 10,5 foiz pillasini, 6,2 foiz sabzavotini etishtirgan.
2000 yil ma’lumotlari bo’yicha, Xorazm viloyati barcha ekin maydonlari 225 ming gektar atrofida bo’lgan. Shuning 1G’5 qismidan ziyodrog’i g’alla, asosan sholi bilan band (15-chizmaga karang). Bir yilda taxminan 200 ming tonna don etishtiriladi, o’rtacha hosildorlik 28,4 qG’ga. Shu yili ob-xavo sharoitining noqulay kelganligi tufayli sholi, paxta, qand lavlagisi va boshqa dexqonchilik mahsulotlarini etishtirish ham biroz kamaygan. Sholi 40 ming tonna atrofida (1999 y. -70 ming tonna), paxta 200 ming tonnaga yaqin (1999 i. -290 ming t.) olingan. Biroq, shunga qaramasdan, Xorazm dexqonchiligi iqtisodiy jihatdan ancha yuqori ko’rsatgichlarga xos.
Chorvachilikda XXI asrning dastlabki yili ham birmuncha unumdor bo’lgan. Pilla etishtirish 1474 tonnani tashkil etgan. Yirik shoxli mollar soni 447 ming bosh, shundan qoramollar 188 ming, qo’y va echkilar 218 ming boshga yaqin.
Xorazm viloyatida ijtimoiy sohalar ham rivojlanib bormoqda. Birgina 2000 yilda halq, iste’mol mollarini ishlab chiqarish 108,8 foizga ortdi. Aholi jon boshiga bu erda 29 ming halq, iste’moli mollari, 48 ming so’mlik chakana tovar oboroti, 8,7 ming so’mlik pullik xizmat xajmi bajarilgan.
Xar 10 ming kishiga 50,5 bemor karavotlari va 145 kishi ambulatoriya-poliklinika muassasalarida xizmat qiladi. Aholini tabiiy gaz bilan ta’minlanish darajasi ham yaxshi—91,4 foiz. Biroq toza ichimlik suvi bilan ta’minlash borasida ham hal etilmagan muammolar mavjud. Bu xususda o’rtacha ko’rsatkich 64 foizni tashkil qilgan holda u Qo’shko’pir, Xonqa va Shovot tumanlarida 35 — 45 foizga teng, holos.