Lim vazirligi guliston davlat universiteti

Transport va tashqi iqtisodiy aloqalar. 2000 yilda jami tashilgan yuklar 35,1 mln tonnaga teng, shundan 32,8 ming tonnasi avtomobil transportiga to’g’ri keladi.
Tashqi savdo oboroti 373 mln. AQSh dollari (bu o’tgan 1999 yilga nisbatan kamroq), shundan eksport 126 va import 246 mln. dollar. Eksport bo’yicha viloyat Navoiy viloyati, Toshkent shaxri va Toshkent viloyatidan keyin 4-o’rinda, import xajmi jihatidan esa Toshkent shaxridan keyin 2-o’rinda turadi.
Tashqi savdo oborotining taxminan 2G’3 qismi o’zoq xorij mamlakatlariga to’g’ri keladi; importning —90 foizdan ziyodrog’ini asosan mashina va asbob-uskunalar tashkil etadi. Ko’pgina viloyatlardan farq qilgan holda bu erda paxta tolasining eksportdagi ulushi kamroq —33 foiz. Andijon viloyatining tashqi savdo aloqalarida Janubiy Koreya mamlakati muhim o’ringa ega.
Iqtisodiyotning hududiy tarkibi. Viloyat sanoat ishlab chiqarishining 1G’4 qismini uning ma’muriy markazi Andijon shaxri beradi. Shuningdek, bu borada Asaka shaxrining o’rni ham katta (40 foiz atrofida). Qishloq tumanlari orasida sanoat Qo’rg’ontepa va Shaxrixonda nisbatan yaxshi rivojlangan. Ayni chog’da u Buloqboshi, Bo’z va Ulug’nor tumanlarining sanoat salohiyati pastroq.
Qishloq xo’jalik mahsulotlarini etishtirishda Shaxrixon, Izboskan va Qo’rg’ontepa tumanlari ajralib turadi. Eng kichik ko’rsatkich yana o’sha Uluo’nor va Bo’z tumanlariga to’g’ri keladi.
Umuman, Andijon viloyatini mikroiqtisodiy rayonlarga ajratadigan bo’lsak, u holda bu erda uch rayonni ko’rsatish mumkin: Markaziy (Andijon va Asaka shaxarlari, Andijon, Asaka, Shaxrixon, Paxtaobod, Izboskan tumanlari); Janubi-sharqiy (Marhamat, Jalolquduk, Qo’rg’ontepa, Xo’jaobod, Buloqboshi tumanlari) va G’arbiy rayon (Baliqchi, Bo’z va Ulug’nor).
Shubxasiz, ular orasida markaziy rayonning iqtisodiy qudrati katta. Bu borada ayniqsa Andijon-Asaka-Shaxrixon «uchburchagi» muhim mavqega ega. Andijon aglomeratsiyasi va sanoat tuguni viloyat geoiqtisodiy makonining o’zagini tashkil etadi. Shu bilan birga, adir orqasidagi Janubi-sharqiy rayon ham ancha rivojlangan, ammo uchinchi, ya’ni keyingi yillarda o’zlashtirilgan G’arbiy rayonning iqtisodiy va demografik salohiyati hozircha yuqori emas.