Lim vazirligi guliston davlat universiteti

Tashqi iqtisodiy aloqalar va transport. 2000 yil Sirdaryo viloyatining tashqi savdo aylanmasi 83,1 mln. AQSh dollari, shundan eksport xajmi 49,7 va import 33,4 mln. dollarga teng bo’ldi. Uning aksariyati MDX mamlakatlari va boshqa xorijiy mamlakatlar bilan olib borilgan savdo-sotiqqa to’g’ri keldi. Shuningdek, qo’shma korxonalarning eksport xajmi 0,1, import xajmi esa 1,8 mln. AQSh dollarini tashkil etgan.
Sirdaryo viloyati hududidan Toshkentni, mamlakatimiz janubiy va markaziy rayonlarini Farg’ona vodiysi bilan bog’laydigan Toshkent-Sirdaryo-Guliston-Xovos- Farg’ona vodiysi, Toshkent-Sirdaryo-Jizzax-Samaqand-Qarshi-Termiz temir yo’llari o’tadi. Bundan tashqari, viloyatda ichki aloqalarini ta’minlashga xizmat qiluvchi transport tizimi ham rivojlanmoqda. Bu o’rinda Sirdaryo — Gagarin — Do’stlik — Paxtakor — Jizzax temir yo’li hamda viloyatni Toshkent bilan bog’lovchi temir yo’lning elektrlashtirilganligi katta ahamiyatga ega.
Iqtisodiyotning hududiy tarkibi. Guliston — viloyat sanoat ishlab chiqarishida etakchi mavqega ega va ma’muriy markaz hisoblanadi. Sanoat mahsulotining 23,1 foizi shu shaxar zimmasiga to’g’ri keladi. 1896 yilda bu erda, Toshkent — Krasnovodsk temir yo’lining qurilishi boshlangan paytda, bugungi Guliston o’rnida kichik Achchiqquduq qishlog’i bor edi. 1905 yilda u Mirzacho’l stantsiyasi deb atala boshlandi. Hozirgi paytda Gulistonda bir necha engil va oziq-ovqat sanoat korxonalari mavjud. Bundan tashqari, shaxarda qurilish materiallari kombinati, tikuvchilik fabrikasi ishlab turibdi.
Yangier shaxri rivojlanish darajasiga ko’ra ikkinchi o’rinda. Mazkur shaxar 1956 yili tashkil etilgan. Toshkent — Xovos temir yo’li, Katta O’zbekiston trakti bo’yida, Janubiy Mirzacho’l kanali yoqasida joylashgan. Bu shaxarda qurilish materiallari, paxta tozalash va un sanoatining kelajakda yanada rivojlanishi uchun barcha sharoitlar etarli. Hozirda jami viloyat sanoat mahsuloti xajmining 3,6 foizi Yangier shaxriga to’g’ri keladi (2000 yil).
Tumanlardan Sirdaryo, Sayxunobod, Oqoltin sanoat va qishloq xo’jaligi mahsulotlari etishtirish bo’yicha nisbatan yaxshi rivojlangan. Ayni chog’da bu ko’rsatkichlar Mirzaobod, Mehnatobod va Guliston tumanlarida sust darajada.
Sirdaryo viloyati mamlakatimizda xorijiy sarmoyalarni jalb etish va shu asosda qo’shma korxonalar qurish borasida ancha orqada. Ammo viloyat tumanlarini ijtimoiy-iqtisodiy rivojlantirish uchun tegishli imkoniyatlar mavjud.