Лиги фарғона давлат университети

Фаннинг ўқув режадаги бошқа фанлар билан боғлиқлиги ва услубий жиҳатдан узвий кетма-кетлиги

Амалий ва бадиий безак санъати фани моҳияти, мазмуни жуда кенг тармоқли бўлгани сабабли ўқув режадаги барча тасвирий санъатга оид назарий ҳамда амалий жиҳатдан ўрганиладиган санъат соҳаларига тааллуқлидир. У умумкасбий фанлар блокидаги тасвирий санъат методикаси, қаламтасвир, рантасвир, санъат тарихи, тасвирий санъат технологияси ва нуша кўчириш, ҳайкалтарошлик, пластик анатомия ихтисослик фанлари блокидаги академик қаламтасвир асослари ва композиция, дастгоҳли академик рангтасвир ва композиция тасвирий санъат ўқитишнинг замонавий технологиялари каби барча фанларга алоқадор, ҳамда улар билан узвий боғлиқ.

Фаннинг таълим ва ишлаб чиқаришдаги ўрни
Амалий ва бадиий безак санъати тасвирий санъатнинг асосларидан бири сифатида ва санъат турлари ҳамда, жанрларининг асоси ҳисобланиб, таълимнинг қайси босқичида бўлишидан қатъий назар ёшларнинг эстетик дидларини ўстириш, тасвирий санъат асарлари яратишда муҳим фан сифатида назарий билим ва амалий кўникмаларни эгаллашда зарур. Ўрта умумтаълим мактаблари ва ўрта махсус касб-ҳунар коллежлари учун тасвирий санъат бўйича юқори малакали педагог кадрлар тайёрлашда Амалий ва бадиий безак санъати санъати фанинг ўрни катта аҳамиятга эга.
Фанни ўқитишда замонавий ахборот ва
педагогик технологиялар

Амалий ва бадиий безак санъати фанини ўқитилишида қуйидаги техник воситалардан фойдаланилади: Етук ўзбек ва хорижий тасвирий ва амалий санъат уста рассомларининг жаҳон миқёсида тан олинган санъат асарлари намуналари, ҳамда методик жиҳатдан мукаммал репродуктив ишлари; замонавий компютер технологияларидан фойдаланган ҳолда машғулотлар ташкил этиш. Буюк санъат усталари ва уларнинг ижод этиш жараёнларини акс эттиришга бағишланган кино ленталари, чоп этилган намуна ва электрон версияларидан кенг фойдаланилади. Шунингдек назарий ва амалий машғулотларда амалий санъат бадиий безак санъатига оид ишланган намуналари қўлланилади.