Лиги фарғона давлат университети

2-Мавзу: Намуна асосида ҳарфлар ва сонларни ёзиш ҳамда ёзилган ҳарфларни рангда бўяш;
Мазмуни:
Рассом томонидан бўёқлар воситасида ишланган тасвир бизни худи борлиқ каби ҳаяжонга солади. У бўёқ ва чизиқлар воситасида юз ва ҳаракат ифодасини, соя ва нур ёруғлигини тасвирлайди. Шунинг учун ҳам яхши асар, агар у ёрқин, тиниқ бўёқларда ижро этилган бўлса, шодлик кайфиятини, бўғиқ ва қорамтир рангларни бериб ташвишли ҳаётни ифодалаган бўлса, ғамгинлик кайфиятини уйғотади.Демак, рассомлик санъатида асосий тасвир воситаси ранг бўлиб, тасвир турли ранглар ва бир рангнинг бир неча кўриниши (оч, тўқ ва ҳоказо)дан фойдаланиб ҳосил қилинар экан.
Мақсади:
Оқ, кул ранг ва қора ранглар ҳамда уларни ҳар хил нисбатда аралаштиришидан ҳосил бўладиган барча ранглар туслари ахроматик ранглар деб аталади. Спектрда ахроматик ранг туслари қатнашмайди. Ахроматик ранглар бир-бирларидан фақат туслари жиҳатидан,яъни ёруғликни қайтариш даражаси билан фарқ қилади.
Кутилаётган натижа:

Ранг туси рангларнинг тўлқин узунлигига қараб белгиланади. Рангнинг бу хоссасига кўра биз кўз орқали қизил, сариқ, зангори ва бошқа спектрал рангларни кўрамиз ҳамда идрок қиламиз. Лекин ранг туслари уларга қўйиладиган ранг номларига қараганда анча кўпдир. Агар бирор ранга оқ қўшилса, мазкур ранг тусининг тўлқинлар узунлиги ўзгармайди. Чунки, оқ ранг қўшилганда фақатгина ранг ёруғлиги ўзгаради ва у қайтариш коэффиценти билан ифодаланади. Ёрқинликни аниқ ўлчаш фотометр деган асбобдан фойдаланилади.

3-Мавзу: Ёзув композицияси эълон, шиор, табрик матни каби ёзувларни ёзиш
Мазмуни:
Тасвирий санъатнинг барча турлари каби бадиий безаш ишлари ҳам композициянинг умумий қонуниятларидан келиб чиққан ҳолда амалга оширилади. Шунинг учун ҳам бу ишлар безакчи рассомдан етарлича билим ва малакаларни талаб қилиши билан бирга доимо композиция масалаларини диққат марказида тутишини тақозо этади.
Мақсади:
Мактабдаги бадиий безаш ишларининг кўп қисми, масалан, кўргазмали қуроллар, деворий газеталар, мавзули стендлар, таклифнома, табрикнома, альбом ва ҳоказолар фронтал композиция талаблари асосида бажарилади.