Личинка хордалилар (Urochordata) ¸ки šобиšлилар (Tunicata) кенжа типи

Baliqlarning oziqlanishi. Baliqlar deyarli hamma tirik mavjudodlar bilan oziqlanadi. Baliqlarning ozig’i suv havzasining sharoiti, yil fasllari va baliqning yoshiga qarab ancha o`zgarib turadi. O’simliklar bilan oziqlanishga moslashgan baliqlarga xumbosh (tolstolobik), oq amur, qizilqanot, qorabaliq (marinka) va xramulyalar kiradi; cho’rtan baliq, laqqa baliqlar, okunlar yirtqich bo’lib, boshqa baliqlar va umurtqali hamda umurtqasiz hayvonlar bilan oziqlanadi. Ko`pchilik baliqlar qish faslida umuman oziqlanmaydi va karaxt holga o`tadi. Baliqlar oziqlanishiga qarab bir nechta guruhlarga bo`linadi:
1. O`simlikxo`r baliqlar. Bu guruhga xramulyalar, plotva, ukleyka, xumbosh, oq amur, qorabaliq, qizilqanot va boshqa tur baliqlar kiradi. Ularni yuvosh baliqlar ham deb ataladi, jag’larida tishlari yo`q, xalqum tishlari bor.
2. Hayvonxo`r baliqlar. Bu guruhga zog’ora baliq, siga va boshqa tur baliqlar kirib, ular umurtqasiz hayvonlar bilan oziqlanadi.
3. Yirtqich baliqlar. Bu guruhga akulalar, cho`rtan baliqlar, sla, laqqa baliq, losos baliqlari kirib, ular, asosan boshqa baliqlar bilan oziqlanadi. Yirtqich baliqlarda shaklan uchi orqaga qayrilgan o`tkir konusga o`xshash tishlari bo`ladi. Akula va sla baliqlar o`z o`ljalarini quvib ovlaydi. Laqqa baliqlar esa o`ljasini bir joyda poylab turib yaqinlashganida sakrab tutib oladi. Ko`pchilik baliqlar urchish davrida oziqlanmaydi (lososlar).
Baliqlarning ozig’i turlicha bo`lganligi uchun ularning og’iz apparati tuzilishi va funktsiyasi ham turlicha bo`ladi.
1. Tutib oluvchi og’iz apparatiga ega bo`lgan baliqlar. Bunday baliqlarning og’iz apparati juda katta, jag’larida, tanglayida, dimog’ida tishlari bo`ladi (sla baliqlar, laqqalar va cho`rtan baliqlar).
2. So`ruvchi og’iz apparatiga ega bo`lgan baliqlar. Bu guruhga kiruvchi baliqlarning og’zi trubkasimon bo`lib, tishi bulmaydi. Umurtqasiz hayvonlar bilan oziqlanadi. Bu guruhga dengiz nina balig’i kiradi.
3. Maydalovchi og’iz apparatiga ega bo`lgan baliqlar. Bunday guruhga kiruvchi baliqlarning og’zida hartumi va tishi bo`ladi. Bu baliqlar umurtqasizlardan mollyuskalarning chig’anog’ini va ignaterililarning qattiq po`stini maydalaydi.
O`simlik bilan oziqlanadigan ba`zi baliqlarning og’iz bo`shlig’ida jabra yaproqlari uzun bo`lib, to`r vazifasini bajaradi (seldlar, ayrim tur zog’ora baliqlar).