Личинка хордалилар (Urochordata) ¸ки šобиšлилар (Tunicata) кенжа типи

Amerika tuyaqushlari yoki nandusimonlar (Rheiformes) turkumi. Ame-rika tuyaqushlari Afrika tuyaqushlariga qaraganda kichikroq, 3 barmoqli, pati kulrang-qo`ng’ir tusda bo`ladi. Bo`yi 150 sm, og’irligi 30 kg, qanoti yaxshi rivojlangan.
Bu turkumga 1 ta nandu (Rea) avlodi va 2 ta tur kiradi. Oddiy nandular Janubiy Amerikaning cho`lli va tog’-cho`lli hududlarda tarqalgan. Chanog’i berk, quymich suyaklardan hosil bo`lgan. Ular urchish davrida gala bo`lib yashaydi, ya`ni poligam, 5-7 ta urg’ochisi 1 ta erkagi bilan birga yashaydi. Urg’ochilari tuxumlarini umumiy uyaga qo`yadi. 1 ta uyada 15 tadan 40 tagacha tuxum bo`ladi. Tuxumlarining og’irligi 700 g atrofida bo`ladi. Ularning erkaklarigina tuxum bosadi va jo`jalari to`g’risida qayg’uradi. Inkubatsiya davri 42 kunga boradi. Jo`jalari 5-6 oylik davrida voyaga yetgan individlariga yetishadi. 2-3 yilda jinsiy voyaga yetadi. Ba`zi joylarda yarim uy hayvoni sifatida oddiy nandu (Rea americana) ko`paytiriladi. Nandular ham, asosan o`simliklar bilan oziqlanadi.
Avstraliya tuyaqushlari yoki kazuarsimonlar (Casuariiformes) turkumi. Bu tuyaqushlar yirik, 3 barmoqli, qanotlari kuchli reduktsiyalangan, ustki tomondangina yaxshi ko`rinadi. Patlarini rangi kulrang. Boshi va bo`ynida ham patlari bo`ladi. Boshidagi patlari yaxshi rivojlanmagan. Ularning chanog’i ochiq, patlarining qo`shimcha tanasi bor, oyog’i boshqa tuyaqushlarnikiga nisbatan kalta. Nasl uchun erkaklari qayg’uradi. Bu turkumga emular (Dromiceus) va Kazuarlar (Casuarius) avlodlari kiradi.
Emularning uzunligi 170 sm, og’irligi 35-50 kg. Emular avlodiga kiruvchi emu (Dromiceus novaehollandiae) Avstraliyaning qumli cho`llarida tarqalgan. Ular 4-6 tadan gala bo`lib yashaydi, lekin monogam qush hisoblanadi. Uyasiga 7-16 ta tuxum qo`yadi. O`simliklar bilan oziqlanadi. Emular sovuqqa chidamli, lekin namlikni ko`tara olmaydi. Emu Ukrainaning Askaniya-Nova iqlimlashtirish va gibridlash institutida yarim tutqinlikda ko`paytiriladi. Inkubatsiya davri 52 kun.
Kazuar avlodiga 3 ta tur kiradi. Ular Yangi Gvineyada va Avstraliyaning shimoli – sharqiy qismidagi o`rmonlarda tarqalgan. Kazuarlar boshining va bo`ynining yuqori qismi yalang’ochligi, boshida shoxli o`simtasi bo`lishi hamda patlarining ko`k, qizil, qora bo`lishi bilan emulardan ajralib turadi. Ikkinchidan, kazuarlar qalin o`rmonlarda yashaydi. Lekin oziqlanishi va ko`payishi emularga o`xshaydi, ya`ni ular ham o`simliklar va mayda hayvonlar bilan oziqlanadi. Go`shti va tuxumi iste`mol qilinadi.