Қўлёзма ҳуқуқида

Туртинчи гуруҳ реагентлари: сульфит–спиртли бардадан ташқари, ҳозирги кунда депрессорлар сифатида алоҳида қўлланилмайди. Сульфит–спиртли барда «Уралкалий» ИЧБ да турт маротаба шламсизлантиргандан сўнг шламсизлантириш депрессори сифатида қўллайди. Калий саноатида реагент – флокулянт сифатида юқори молекуляр полиакриламид (ПАА) қўлланилади.
[ ― CH₂ – CH – CH₂ ― ] n
|
C = O
| NH₂
ПАА ни қўлланилиши – тупроқ - тузли турли шламларни флокуляциялаш; маъданни қуйқасини тиндирганда ва флотацияли бойитилганда, айрим ҳолатда ПАА бошқа реагентлар аралашмаси билан депрессор сифатида қўлланилади.
Акриламидли флокулянтни заррачалар юзасига таьсири лой шлам минераллари юзасидаги гидроксил группа ва флокулянт молекуласининг амидли группаларининг ўзаро таьсири асосида водород боғлари ҳосил бўлишига боғлиқ.
ПАА билан ишланган заррачаларнинг юзаси гидрофил ёки гидрофоб бўлиши мумкин. Флокуляция назариясига асосан қаттиқ модданинг заррачалари юзасида молекулалар ёрдамида ёки полимер молекуласининг асоцияти ёрдамида «кўприк» ҳосил бўлишига асосланган. Флокуляция жараёни ўтиши учун қуйидаги шароитлар шарт: суюқ фазада полимер занжирлари маьлум миқдорда бўлиши, занжирлар узунлиги.
Суспензиялар флокуляциясининг асосий босқичлари-заррачалар юзасига реагентнинг адсорбцияси, заррачаларни агрегатиини ҳосил бўлиши.
Кўпик ҳосил қилувчи реагентлар. Флотацион кўпик хоссалари – муҳим омил калийли маъданни қайта ишлаш технологиясидаги турли босқичларни муваффақиятли амалга оширишдадир: флотация, қуюлтириш, шламни омборга узатиш, шламдан KCl ни ажратиш.
Тузли эритмаларнинг кўпик ҳосил қилувчи қўшмасдан ҳам кўпик ҳосил қилиш хусусиялари юқори. Лекин сильвинни флотацияси кўпик ҳосил қилувчи моддаларсиз юқори даражада ўтмайди. Кўпик ҳосил қилувчи реагентларининг асосий вазифаси - қуйқадаги ҳаво кўпигини дисперслигини ва мустаҳкамлигини ошириш. Кўпик ҳосил қилувчининг қўшимча вазифаси – туз минералларининг юзасини гидрофоблигини таьминлаш.
Кўпик ҳосил қилувчи реагент сифатида сосна мойи ва Т-66 қўлланилади.