Қўлёзма ҳуқуқида

Биринчи гуруҳ реагентлари тупроқ шламини депрессиялаш хусусияти уларни флокуляциялаш ва гидрофиллаш хусусиятига эгалигидандир. Тупроқ заррачаларининг юзасига ПАА молекулалари адсорбцияланиш механизимини электростатик кучи таъсирида ва водород боғланиши ҳосил бўлиши ҳисобига юзага келади деб тушунтирилади.
ПАА флокулянтларини қўллаш жараённинг танлаш хусусиятини пасайтиради, тупроқ флокуласини кўпик юзасига чиқиши флокуляланган тупроқ заррачаларини флотоактив хусусияти ва қисман полимерни гидрофобизациясига асосланган. Шунинг учун биринчи гуруҳ реагентлари мустақил қўлланилмайди.
Иккинчи гуруҳ реагентлари: карбоксиметилцеллюлозани натрийли тузлари (NаKМЦ), паст молекуляр оғирлиги бўлган целлюлоза эфирлари яхши танлаш хусусиятига эга. Шунинг учун NаKМЦ нинг лой шламлар юзасига ёпишиши поляр корбоксил гуруҳ ва электростатик кучлар асосида юзага келади.
NаKМЦ эритмаси билан тупроқ шламини депрессияси унинг юзасининг гидрофобланиш ва у ҳаво пуфакчаларини ёпишишига қаршилик қилувчи шароит яратишдан иборат. Тупроқ шламини NаKМЦ эритмаси билан ишлаш аминни адсорбциясини 2 маротаба камайтиради. Бунга сабаб шламнинг юзаси NаKМЦ қатлами билан ёпилади ва натижада унинг юзасида аминнинг диффузия тезлиги пасаяди. NаKМЦ–оддий целлюлоза эфирлар гуруҳига тегишли. Бу мода
(монохлор уксус) монохлорсирка кислотасига ёғоч ёки пахта целлюлозаси таъсири натижасида ҳосил бўлади:

C₆H₇O₂(OH)₃+NaOH+Cl₂CH₂COOH→C₆H₇O₂(OH)₂OCH₂COONa+NaCl+2H₂O

Таркибида кўп миқдорда гидроксил гуруҳ бўлган КМЦ катта депрессиялаш таьсирига эга.

Учинчи гуруҳ реагентлари – таркибида кам миқдорда тупроқ шлами бўлган (0,2%-1,2%) маъданларда кенг қўлланилади. Чет элларда калийли суспензия етарлича шламсизлантирилгандан сўнг бу гуруҳ реагентлари қўлланилади. Уларни КМЦ билан биргаликда қўлланилиши яхши натижа беради. Учинчи гуруҳ реагентларга мисол - крахмал – полисахаридлар аралашмаси. Бунинг молекуласи глюкозид боғлари билан боғланган глюкопираноза қолдиқларидан иборат. Крахмал занжир структуралари билан фарқ қиладиган икки фракциядан: амилоза- (15-25%) ва амилопектин (75-85%) лардан иборат.