Лекция ошқозон-ичак трактидаги операциялар тамойилларри жарроҳнинг асосий вазифалари I. 1 патологик ўчоқни олиб ташлаш

11-ЛЕКЦИЯ

• ОШҚОЗОН-ИЧАК ТРАКТИДАГИ ОПЕРАЦИЯЛАР ТАМОЙИЛЛАРРИ

1. ЖАРРОҲНИНГ АСОСИЙ ВАЗИФАЛАРИ

• I. 1) патологик ўчоқни олиб ташлаш;
• 2) операциядан кейин ошқозон-ичак трактининг яхлитлигини тиклаш;
• 3) инфицирланган таркибнинг қоринпарда бўшлиғига тушиши олдини олиш учун ошқозон-ичак операциядан кейинги жароҳатини герметизациялаш.
• II. Ошқозон-ичак тракти узлуксизлигини тиклашда энг қулай физиологик шароитларни таъминлаш.

2. Бу вазифаларни бажариш учун лозим:

• А) ошқозон-ичак тракти анатомик-физиологик хусусиятларини билиш;
• Б) иккита техник оператив амалиёт – ичак чоки ва ошқозон-ичак тракти бутунлигини тиклаш учун мос анастомозни тўғри қўйиш.

• 3. Ошқозон-ичак трактининг анча узун ва силжувчанлиги ошқозон ва ичакларда катта реконструктив операцияларни бажаришга имкон беради. Бироқ, аъзонинг бир қисмини олиб ташлаш ҳудудлари анатомик ва физиологик асосланмоғи лозим.
• 4. Ҳазм трактининг операциядан кейинги жароҳатини тикиш ва резекциядан сўнг анастомоз қўйиш усуллари бу операцияларнинг яхши якун топишини таъминловчи асосий техник элементлар ҳисобланади. Айнан шу элементлар бевосита операция муваффақиятининг, шу жумладан, ичак бўшлиғидаги инфекциянинг қоринпарда бўшлиғидан изоляцияланиши ва овқат массалари ўтишининг гарови бўлади.

Ошқозон-ичак трактидаги барча операциялар 2 босқичга ажратилади

• 1. Кавак аъзо бўшлиғини очишга тайёрлаш ва уни кесиб очиш
• 2. Чок қўйиш, кавак аъзо бўшлиғини ёпиш.

1. Кавак аъзо бўшлиғини очишга тайёрлаш ва уни кесиб очиш

• А. Аъзони очишга тайёрлаш учун унинг операция бажариладиган жойини қорин бўшлиғидан чиқариш ва уни скелетлаш.
• Скелетлаш – қоринпарда дупликатураси, яъни чарви, тутқич ва бойламларни бойлаш ва кесиш.
• - Оддий кўндаланг кесилганда аъзонинг иккала охирини 1 см масофада дупликатурадан ажратилади;
• - Резекция қилинганда аъзо девори кенг участкада ажратилади.