|
Optikalıq talalı kabel (fiber-optic cable) - tarmaqta paydalanılģan eń jańa texnologiya esaplanadı. Bunda xabar jetkeriwshi jarıqlıq nurı boladı, ol tarmaq tárepinen ózgertiriledi hám signal formasın aladı. Bunday sistema sırtqı elektr halaqıtlarına shıdamlı hám sonıń ushın maģlıwmatlardı tez (2 Gbit/s ke shekem) hám qátesiz uzatıw múmkin boladı hámde uzatılıp atırģan maģlıwmatlardıń jasırınlıģın támiynleydi. Bunday kabellerde kanallar sanı júdá kóp boladı. Maģlıwmatlar tek ģana simpleks rejiminde uzatıladı, sol sebepli maģlıwmatlar menen almasınıwdı shólkemlestiriw ushın qurılmanı eki optikalıq tala menen baylanıstırıw zárú (ámeliyatta optikalıq talalı kabel hámme waqıt jup talalı boladı). Kemshilikler qatarında shaması joqarılıģı hám baylanıstırıw quramalılıģn kórsetiw múmkin.
7.12-súwret. Optikalıq talalı kabel (fiber-optic cable) diń kórinisi
Tarmaqtıń múmkinshiligi onıń paydalanıwshıģa kórsetetuģın xızmeti menen ólshenedi. Tarmaqtıń hár bir xızmet túri hámde oģan kiriw ushın onıń dástúrli támiynatı islep shıģıladı. Tarmaqta islew ushın belgilengen dástúr bir waqıtta kóplegen paydalanıwshılar paydalanıwı ushın arnalģan bolıwı kerek. Házirde sonday dástúrli támiynat dúziwdiń eki túrli tiykarģı printsipi endirilgen.
Birinshi printsipte tarmaqtıń dástúrlestirilgen támiynatı kópshilik paydalanıwshılarģa hámme kiriwi múmkin bolģan tarmaqtıń bas kompyuteri resursların usınıs etiwge arnalģan. Ol fayl-server dep júrgiziledi. Bas kompyuterdiń tiykarģı resursı fayllar bolģanı ushın ol usı attı alģan. Bul dástúrli modullar yamasa maģlıwmatlarģa iye fayllar bolıwı múmkin. Fayl-server – bul serverdiń eń ulıwmalıq túri. Aytıp ótiw kerek, fayl-serverdiń disk sıyımlılıģı ádettegi kompyuterlerdikiden kóp bolıwı kerek, sebebi onnan basqa kompyuterler paydalanadı.
Tarmaqlarda bir qansha fayl-serverler bolıwı múmkin. Máselen, printer, modem, maksimal baylanıs ushın qurılma. Fayl-server resursların basqarıwshı hám kópshilik tarmaq paydalanıwshıları ushın ruxsat beriwshi dástúrli tarmaq támiynatı tarmaqtıń operaciyalıq sisteması dep ataladı. Onıń tiykarģı bólimi fayl-serverde jaylasadı. İsshi stanciyada tek ģana resurs hám fayl-server arasınan giperssılka qılınatuģın dástúrler aralıģı interfeys wazıypasın orınlawshı onsha úlken bolmaģan qabıq jaylastırıladı.
Usı printsip sheńberinda islewge belgilengen dástúrli sistemalar paydalanıwshıģa fayl-serverden paydalanıw múmkinshiligin beredi. Qaģıyda boyınsha usı dástúrli sistemalar fayllı serverde saqlanıwı hám barlıq paydalanıwshılar tárepinen bir waqıtta paydalanıwı múmkin. Biraq, bul dástúrlerdiń modullerin orınlaw ushın zárúr bolģanda paydalanıwshı kompyuterine, yaģnıy isshi stanciyaģa ótkiziledi hám kerekli isti orınlaydı. Bunda barlıq maģlıwmatlardı qayta islew (eger olar ulıwmalıq resurs bolsa hám fayllı serverde saqlanıp atırģan bolsa da) paydalanıwshınıń kompyuterinde ámelge asırıladı. Bunıń ushın maģlıwmatlar saqlanģan fayllar paydalanıwshınıń kompyuterine kóshiriliwi kerek.
Ekinshi printsip "klient-server" arxitektura dep ataladı. Onıń dástúrli támiynatı resurslardan jámáát bolıp paydalanıwına ģana arnalıp qalmay, olardı qayta islew hám paydalanıwshı talabına qaray resurslardı jaylastırıwģa da arnalģan. "Klient - server" dástúrli sisteması serverdiń dástúrli támiynatı hám paydalanıwshı-klienttiń dástúrli támiynatınan ibarat.
Bul sistemalar isi tómendegishe payda etiledi: klient-dástúrler paydalanıwshınıń kompyuterinde orınlanadı hám ulıwma kiriw kompyuterinde isleytuģın dástúr - serverge soraw jiberiledi. Maģlıwmatlardıń tiykarģı bólimin qayta islew kúshli server tárepinen ámelge asırıladı hám paydalanıwshı kompyuterge tek ģana orınlanģan soraw nátiyjeleri jiberiledi. Maģlıwmatlar bazası serverleri úlken kólemdegi maģlıwmatlar (bir neshe 40 Gigabayt hám onnan kóp) menen islewge arnalģan bolıp, kóp sanlı paydalanıwshılardıń joqarı ónimli islewin, isenimlilikti hám qorģalģanlıqtı támiynleydi. Global tarmaqlar qosımshalarında klient- server arxitekturası (belgili mániste) tiykarģı sanaladı. Úlken tekstli betlerdi saqlaw hám qayta islewdi támiynlewshi belgili Web - serverler, FTD serverler, elektron pochta serverleri belgili. Sanap ótilgen xızmet túrleriniń klient dástúrleri usı serverler tárepinen xızmet alıw hám olardan juwap alıw ushın soraw múmkinshiligin beredi.
Bólistiriletuģın resursqa iye hár qanday kompyuter tarmaģı server dep júritiliwi múmkin.
Do'stlaringiz bilan baham: |
