Lekciya Kirisiw. Pánniń maqseti hám wazıypası

Xalıq jasaytuǵın aymaq

Xalıq jasaytuǵın aymaq, qaǵıyda boyınsha, samal baǵdarı táreplerine qaraǵanda sanaat aymaǵıdan aldın, dáriya aǵımın joqarısıda,suw háuizleri,kóklemzarlar qasında jaylasadı. Qalanıń xalıqı jasaytuǵın aymaǵın qurıwda onda turaq-jay qurılmaların, mádeniy-turmıslıq xızmet kórsetiw mekemelerin, jámiyet orayların, kósheler tarmaǵın hám ulıwma paydalanıw kóklemzarların tuwrı (ratsional) jaylastırıw kózde tutiladı.

Xalıq jaylasatuǵın aymaqlarda islep shıǵarıw shıǵındıların shıǵarmaytuǵın hám úlken júk aylanıwına iye bolmaǵan sanaat kárxanalar hámde ilmiy-izertlew institutları hám adminstrativlik-xojalıq mekemeleri jaylasıwı múmkin.

Iri hám eń iri qalalar xalıq jasaytuǵıın bóliminde kóbinshe mustaqıl qala joybarlıq rayonları ózleriniń xızmet kórsetiw orayları, miynet jerleri, kóklemzarlar sisteması hám dem alıw jerleri menen ajratıladı. Úlken jerdi iyelegen joybarlıq rayonlar, qaǵıyda boyınsha turaq-jay rayonları,sanaat hám dem alıw (rekreatsion) rayonlarǵa bólinedi.(4.4-súwret)

Turaq-jay rayonı qalanıń tiykarǵı quram birligi esaplanadı.turaq-jay rayonı tómendegi tiykarǵı funksional bólimlerden ibarat:

-turaq-jay kishi rayonları;

-turaq-jay rayonı jámiyet-sawda orayı;

-turaq-jay rayonınıń baǵı hám sport kompleksi;

-kósheler, maydanlar, xiyobonlar

Turaq-jay rayonınıń úlkenligi qalanı rejelestiriwdiń anıq sharayatları menen hámde onıń jámiyet orayın 15-20 minutlıq piyada jetiw talapları, yaǵnıy 1000-1200 m aralıq uzaqlıǵı menen belgilenedi. Bul shama menen 150-200 ge aymaq bolıp onda 25-40 mıń xalıq jasaydı. Turaq-jay rayonı magistrallar aralıq aymaqta qáliplesedi hám onıń aymaǵın tezkar kósheler,magistral hám qala áhmietindegi kósheler kesip ótiwi múmkin emes.

Начало формы

Конец формы