Lekciya №1-2

Soraw hám tapsirmalar

1. Analitikaliq ximiya hám ximiyaliq analiz túsinikleriniń ayirmashiliqlari nede?

2. Analitikaliq ximiyaniń rawajlaniq basqishlarin aytip beriń
3. Analitikaliq ximiyaniń sanaat hám texnikaniń rawajlaniwindaġi áhmiyetin aytip beriń
4. Ionlardin analitikaliq klassifikasiyasinin tiykari
5. Sipat analizinin kislota-tiykarliq usulinda gruppa reagentlari sipatinda qanday zatlar qollaniladi.
Hár qanday pán όziniń rawajlanıw tariyxına iye. Rawajlanıwdıń hár qanday dáwirlerinde de pán tariyxın úyreniw zárúr, sebebi qánigeniń pán tariyxın biliwi alımdı metodikalıq tárepten qurallandıradı, pánge bolǵan qızıǵıwshılıǵın kúsheytedı hám sol pándi tereń biliwge keń múmkinshilik ashıp beredi. V. I. Vernadskiy " pánniń tariyxı...jańa jetiskenliklerge erisiw quralı bolıp tabıladı" dep jazǵan.
Analitikalıq ximiyanıń ótmishin úyreniw onıń όzine tán όzgesheliklerin, rawajlanıw mexanizmlerin, usıllarınıń kelip shıǵıwın túsiniw, aldımızda bizdi ne kútip atırǵanlıǵın bahalaw ushın júdá zárúr bolıp tabıladı. Analitik ximiya tariyxı menen tanısıw da júdá qızıq. Ótken zaman ilimpazlarınıń iskerliginde kóbinese mısal, geyde idealdı kóriw múmkin.
"Ullı alımlardıń turmısı hám olardıń jańa ashılıwlarınıń tariyxın úyreniwge qızıǵıp baslaǵanımızda ǵana ilim bizdi όz ishine qamtıp aladı" – deydi D.K. Maksvell.
Analitikalıq ximiya, málim dárejede, barlıq ximiya iliminıń tiykarı bolıp tabıladı. Mısalı, jańa elementlerdi ashıwdıń όzi analitikalıq wazıypa bolıp tabıladı. Álbette, sońǵı waqıtları jańa elementlerdi yadro fizikleri ashıp atır, biraq olarda bul elementlerdi ashıwda, qásyetlerin anıqlawda ximiyalıq analiz metodologiyasiz hesh nárse isley almaydı.
Analitikalıq ximiya uzaq tariyxıy joldı basıp ótti. Analitikalıq ximiyanıń rawajlanıw basqıshlarında tómendegi dáwirlerdi ajıratıw múmkin:
- áyyemgi dáwir (IV –ásirge shekem);
- alximiya dáwiri (IV-XVI ásirler);
- yatroximiya dáwiri (XVI-XVII ásirler);
- flogiston dáwiri (XVII-XVIII ásirler);
- ilimiy ximiya dáwiri (XIX-XX ásirler);
- zamanagóy dáwir (XX-XXI ásirler).