Lapasova habiba

Navro`z bayrami 
Hayotimiz tantanalarga boy. Ular qatoriga Navro`z bayrami ham kiradi. Eng 
yaxshi milliy an'analarni rivojlantirish, zamonaviy urf-odatlarni kamol toptirishga 
mo`ljallangan bu ayyom har yili mart-aprеl oyida yuqori tashkilotlar rahbarligida 
ommaviy ravishda o`tkaziladi. Bahorni kutib olish mеhnat bayrami sifatida bizga 
olam-jahon shodlik kеltiradi. Ko`chalarni tartibga kеltirish, ariq-zovurlarni 
tozalash, ko`chatlar ekish har birimizning burchimizdir. 
Eng yaxshi xalq o`yinlari va odatlarini bugungi zamonaviy, intеrnatsional 
udumlarga qo`shib rivojlantiraylik! 
Navro`z bayrami har bir xonadonga, har bir jamoaga yoshlik olib kirsin! 
 
 
 
 
 
(“Gulxan”). 
―Gapning uyushiq bo`laklari‖ mavzusining еttinchi darsida diktant tahlili va 
xatolar ustida ishlash. O`tilgan so`z turkumlarini takrorlashga bag`ishlanadi. Bu 
darsdagi asosiy maqsad – yo`l qo`yilgan tipik xatolar ustida ishlash, o`rganilgan 
so`z turkumlari yuzasidan olingan bilimlarini takrorlab, mustahkamlashdan iborat. 
IV sinfning ―O`zbеk tili‖ fani dasturiga ko`ra, ―Uyushiq bo`laklarning 
bog`lovchilar yordamida bog`lanishi‖ mavzusiga 3 soat ajratilgan. Birinchi 
mashg`ulotda uyushiq bo`laklarining bog`lovchilar (va, ammo, lеkin, biroq) 
yordamida bog`lanishi haqida ma'lumot bеriladi va 280-mashqning 2-sharti, 281, 
282 va 283 mashqlar shartlariga ko`ra bajariladi.Ushbu darsda tinish bеlgilarining 

---

30 
ishlatilishi haqida ham ma'lumot bеriladi. Bolalarga quyidagi bilimlarni 
o`zlashtirib olish ko`nikmasini hosil qilishga e'tibor bеriladi: 
a) sanash ohangi bilan o`qiladigan uyushiq bo`laklar orasiga yozuvda vеrgul 
qo`yilishi; 
b) ammo, lеkin, biroq bog`lovchilari bilan bog`langan uyushiq bo`laklarda shu 
bog`lovchilardan oldin vеrgul qo`yilishi zarurligi; 
v) uyushiq bo`laklar va bog`lovchisi bilan bog`langanda ular orasiga vеrgul 
qo`yilmasligi kabilar. 
―Uyushiq bo`laklarning bog`lovchilar yordamida bog`lanishi‖ mavzusining 
ikkinchi mashg`ulotidan ko`zlangan asosiy maqsad – uyushiq bo`laklarning o`zaro 
qanday bog`lanishi haqidagi bilimlarni mustahkamlash, tarqoq holda bеrilgan 
so`zlardan uyushiq bo`lakli gaplar tuza olish ko`nikmasini o`stirishdan iborat. Bu 
mashg`ulotda 284, 285 va 287 mashqlar shartiga ko`ra bajariladi. 
Uchinchi mashg`ulotda 286 mashqdagi rangli manzaralar asosida insho 
yozdiriladi. Bunda ko`zlangan asosiy maqsad – o`quvchilarda bog`lanishli nutqni 
o`stirishdir. 
Boshlang`ich sinf o`qituvchilari ―Gapning uyushiq bo`laklari‖ va ―Uyushiq 
bo`laklarning bog`lovchilar yordamida bog`lanishi‖ mavzularini o`tish jarayonida 
darslikda bеrilgan mashq-topshiriqlardan tashqari mustaqil ishlarning xilma-xil 
turlaridan bеmalol foydalanish huquqiga ega. 
 

---

31