Laboratoriya mashg’uloti №

Laboratoriya mashg’uloti № 24
Mavzu: Jismoniy yuklamani nafas va yurak harakatiga ta’siri. O’pkaning tiriklik sig’imini aniqlash. Spirometriya. Nafas olish va nafas chiqarish mexanizmini Donders tajribasi yordamida kuzatish.


1-tajriba
Jismoniy ishning nafas olishga ta’siri.
Ishning maqsadi: Odamda jismoniy ishning nafas olishga ta’siri o’rganish.
Ish uchun zarur jihozlar: Sekundomer.
Ishni bajarish tartibi: Sinaluvchi talabaning bir daqiqadagi nafas olish soni quyidagi holatlarda sanaladi:
1. O’tirgan holatda.
2. Jismoniy ishdan so’ng.
Har gal sanaluvchi holatini o’zgartirgandan keyin bir daqiqa o’tkazib sanaladi. Nafas olishga ta’sirini kuzatish uchun sinaluvchi talabaga jismoniy ish bajarish 20 marta o’tirib turish yoki turgan joyida bir daqiqa davomida yugurish taklif etiladi. Ish tugashi bilan nafas olishning bir daqiqadagi qisqarish soni aniqlanadi. Sinaluvchi 5 minut dam olganidan keyin nafas olish soni qayta tekshiriladi.
Mashg’ulotdan olingan natijalarni quyidagi tarzda daftarga yozib, xulosa chiqariladi.

Tajribadagi kishi holati	Nafas olishning bir daqiqadagi soni
O’tirgan holatda
Jismoniy ish tugashi bilan
Jismoniy ishdan so’ng 5 daqiqadan keyin

dars oxirida talabalarning o’zlashtirganliklarini sinab ko’rib baholanadi.

2-tajriba
Ishning maqsadi: O’pkaning tiriklik sig’imi va uning komponentlarini aniqlash.