Laboratoriya mashg’uloti № Mavzu: Kimyoviy kinetika, kimyoviy muvozanat, reaksiya tezligiga ta’sir etuvchi omillar. Kimyoviy reaksiyaning tezligi asosan quyidagilarga ta’sir qiladi

6.Tаjribа: Kimyoviy muvozanat va uning siljishi
Kerakli asbob va reaktivlar: stakan, yod, temir(III)-xlorid (FeCl₃), ammoniy rodanid (NH₄CNS), ammoniy xlorid (NH₄Cl), shisha tayoqcha, mikroshpatel, distillangan suv, katta probirka.
Moddalar konsentratsiyasining kimyoviy muvozanatga ta’siri.
Temir (III)-xlorid bilan ammoniy rodanid orasidagi reaksiya quyidagi tenglama bilan ifodalanadi.
FeCl₃ +3 NH₄CNS = 3NH₄Cl + Fe(CNS)₃
Bu sistema uchun muvozanat konstantasi tenglamasini yozing.
Ishning borishi: Stakanga taxminan 10 ml dan temir (III)-xlorid (FeCl₃)bilan ammoniy rodanidning (NH₄CNS) suyiltirilgan eritmasidan solib aralashtiring. Hosil qilingan eritmaning qizil rangli bo‘lishi undan temir (III)-rodanid [Fe(CNS)₃] borligidan dalolat beradi. O'zaro ta'sir etayotgan moddalardan birortasining konsentratsiyasini o‘zgartirilganda muvozanat qaysi tomonga siljishini qizil rangning o‘zgarishidan aniqlash mumkin. Hosil qilingan rangli eritmani 4 ta probirkaga baravar bo‘lib soling.
Birinchi probirkaga temir (III)-xloridning (FeCl₃) to‘yingan eritmasidan 2-3 tomchi qo‘shing. Ikkinchi probirkaga ammoniy rodanidning (NH₄CNS) to‘yingan eritmasidan 2-3 tomchi, uchinchi probirkaga quruq ammoniy xlorid (NH₄Cl) tuzidan ozroq solib, yaxshilab chayqating. Bu uchala probirkadagi eritma rangining to‘rtinchi probirkadagi eritmaning rangi bilan taqqoslang.
Uchala probirkaning har qaysisida temir (III)-rodanidning (Fe(CNS)₃) konsentratsiyasi qanday o‘zgargan?
Eritma rangining o‘zgarishiga qarab muvozanatni qaysi tomonga siljitganini aniqlang.


Haroratning kimyoviy muvozanatga ta'siri.