Laboratoriya mashg’

Jihozlar: atlas, mulyaj, xo’l preparatlar, tablisa,darslik,, albom, tarqatma materiallar, ko’rgazmali slaydlar.

Maqsad:Talabalar ichki a’zolar haqidagi ta’limotni bilishi,nafas olish a’zolarini tuzilishini o’quv jihozlar yordamida o’rganish, talabalarning mustaqil ishlashini tashkil etish va baholash.

1. 
   Nazariy tushuncha. Burun bo’shlig’i (cavum nasi) cuyak, tog’aylardan tuzilgan bo’lib, ichki yuzasi shilliq qavat bilan qoplangan. Uning pastki, yuqori va ikki yon devori bor. Burun bo’shlig’i to’siq yordamida ikkiga bo’lingan. U miya qutisi, gaymorov, tomoq, asosiy suyak bo’shliqlariga tutashgan bo’ladi. Burun bo’shlig’i xoanalar orqali tomoqqa tutashadi. Burunning shilliq qavati ko’p qon tomirlar, ko’p yadroli tukli epiteliy bilan qoplangan. Bu qavatda shilimshiq ishlab chiqaruvchi bezlar bo’ladi.
   

Hiqildoq (larynx) halqumning oldida, bo’yinning oldingi qismida, 4-6- bo’yin umurtqalari sohasida, til osti suyagining ostida joylashgan. Hiqildoq oldindan muskullar, fassiya va qalqonsimon tog’ay bilan o’ralib turadi. YOnidan esa qon tomirlar, nervlar o’tadi. Hiqildoq yuqorigi qismi bilan halqumga, pastki qismi bilan traxeyaga tutashgan bo’ladi.

Hiqildoq asosan tog’aylardan tuzilgan bo’lib, tog’aylar muskullar va bog’lag’ichlar bilan bir-biriga birikkan. Hiqildoq tog’aylariga: qalqonsimon, uzuksimon, cho’michsimon, hiqildoq ustligi, shoxsimon va ponasimon tog’aylar kiradi.