Laboratoriya mashg’

2. Suyakni kalsiysizlantirish. Probirkaning uchdan bir qismiga qadar 10% li xlorid kislota quyiladi va unga bir bo’lak suyak solinadi. Bunda karbonat angidrid pufakchalar holatida ajralayotganligi kuzatiladi. Oradan yarim soat o’tgach, probirkadagi kislota bo’sh idishga to’kiladi, suyakni probirkadan olib, yaxshilab yuviladi va xususiyati o’rganiladi. Laboratoriya ishi davomida talabalar kalsiysizlantirilgan suyakni juda yumshoq va elastik bo’lib qolganligini, uni egish, bukish va, hatto, tugun qilib bog’lash mumkinligini aniqlaydilar. Agar kattaroq suyak kalsiysizlantirilmoqchi bo’lsa uni yuqoriroq konsentrasiyali (15-30% li) kislotada uzoq vaqt (3-5 kun) saqlash kerak. Bunda kislota bir necha marta yangilab turiladi. Kalsiysizlantirilgan suyakni uzoq vaqt saqlash uchun uni 70% li spirtga solib qo’yiladi. YUqoridagi natijalarga ko’ra darsda suyakning xossalari ular tarkibidagi organik va mineral moddalar miqdoriga bog’liq, suyakning tarkibi odam yoshi oshib borgan sari o’zgarib, organik moddalar kamayadi, mineral tuzlar miqdori ortadi va natijada suyak mo’rtlashib qoladi, degan xulosa chiqariladi.