Laboratoriya mashg’

Kalla suyaklarining birikishi.

Kallaning pastki jag’ suyagidan tashqari, hamma suyagi harakatsiz chok yordamida birikkan. Asosiy suyakning tanasi 20 yoshdan keyin ensa suyagi asosiy qismiga suyak yordamida birikib ketadi. Kalladagi choklar 3 xil: tangasimon, tekis tishli yoki arrasimon bo’ladi. Tishli chokda bir suyakning tishchalari ikkinchi suyakning tishchalari orasiga joylashadi. Miya qopqog’ining suyaklaridagi choklar har xil yo’nalishda joylashgan. Peshana suyaklarining tepa suyaklari bilan birikishi tepa suyaklarining o’zaro birikishi va boshqalar bunga misol bo’ladi. Miya qopqog’idagi choklarning yo’nalishi frontal, sagittal, va lyambdasimon bo’ladi. Peshana tepa suyaklari orasidagi chok frontal yo’nalishda bo’ladi, tepa suyaklari orasidagi chok esa sagittal yoki tojsimon yo’nalishdadir. Tepa-ensa suyaklari orasidagi chok lyambdasimon yo’nalishga misol bo’ladi.

Tangasimon chok hosil qilib birikishda bir suyakning qirrasiga ikkinchi suyakning qirrasi yupqalashib, baliq tangachasi shaklida ustma-ust joylashadi. Masalan, chakka suyagi tepa suyagi bilan ana shunday birikadi. Tekis chok hosil qilib birikishda ikkala suyakning tekis qirralari bir-biriga suyak yordamida birikadi. Masalan, burun va yuqori jag’ suyaklari o’zaro ana shunday birikadi.

Pastki jag’ suyaklarining bo’g’im o’siqlari chakka suyagidagi bo’g’im chuqurchasiga bo’g’im hosil qilib birikadi. Bo’g’im yuzalarining fibroz tolali tog’ay bilan qoplanganligi, bo’g’im bo’shlig’i fibroz tolali tog’aydan tuzilgan plastinka-disk bilan ustma-ust ikki xonaga ajralganligi bilan bu bo’g’im boshqa bo’g’imlardan farq qiladi. Bo’g’imning ikki tomoni baravar harakat qiladi. Bo’g’imda turli: pastga, yuqoriga, yonga, oldinga va orqaga xarakatlar bajariladi. Kalla suyagi odamning kelib chiqishi, yashash sharoiti va irqiga qarab turli shaklda bo’ladi.

Talabalarning o’quv jihozlari bilan tanishishi – har bir talabaga (yoki har bir stolga) bosh skeleti suyaklari va ko’rgazmali materiallar tarqatilib,ishni bajarish tartibi tushuntiriladi. Talabalar bosh suyaklarini,odam skeleti, atlas,jadval va darslik orqali o’rganadi.