Laboratoriya jumıs №1

Metodik ko`rsetpeler
Ken`eytirilgen Agglyutinaciya reakciyasın qoyıw. Nawqastın` qan zardabınan izlenip atırg`an AT titrin anıqlaw ushın qoyılg`an reakciyanın` sxeması tablitsada keltirilgen. Da`slep zardaptın` tiykarg`ı eritpesi tayarlanıladı, bunda zardap titrine ko`re: 1:100, 1:200, 1:400, 1: 800 qatnasta suyıltırıladı, bunın` ushın 1 ml tiykarg`ı eritpeden alınıp birinshisine, birinshi probirkadan-ekinshisine, ekinshiden u`shinshisine ha`m t.b. qatar eritpesi suyıltırılıp tayarlanıladı.
Ha`mme probirkalar ten` ko`lemde bolıwı ushın keyingi probirkadan 1 ml suyıltırılg`an zardap alınıp dezinfektsiyalawshı eritpege quyıladı. Kontrol` probirkag`a (antigen kontroli) natriy xloridtin` 1 ml izotonik eritpesi quyıladı. Suyıltırılg`an zardaplı ha`r bir probikag`a ha`m kontrol probirkag`a pipetka menen 2 -3 tamshıdan (0,15 ml) 1 ml de 3 mlrd mikrob denensi bolg`an bakteriya (diagnostikum) suspenziyası tamızıladı. Probirkalar jaqsılap silkitiledi 37º S da 2 saat termostatqa qoyıladı, son` u`y temperaturasında bir sutka dawamında saqlanadı.
Sonnan son` qamshılı antigen menen qoyılg`an reakciyanın` na`tijesi ko`riledi. 18-48 saatdan son` somatik antigen menen qoyılg`an reakciyalar na`tijesi anıqlanadı. Reakciya na`tijesi qurallanbag`an ko`z arqalı yamasa agglyutinoskop penen tekseriledi. Bunda probirkalar a`ste-aqırınlıq penen silkip ko`riledi. Eger na`tiyje on` bolsa, sho`kpege tu`sken birikpe ipir-ipir bolıp turadı (N-Agglyutinaciya), dana-dana bolıwı mu`mkin (O-Agglyutinaciya).
Agglyutinaciya reakciyasının` qanday mug`darda baratırg`anın yamasa da`rejesin anıqlaw ushın to`rt (4) on` belgi qoyıw menen alıp barıladı. Turt on` (++++) belgili reakciyada ha`mme antigenler sho`kpege tu`sip suyıqlıq tınıq bolıp qaladı. U`sh on` (+++) belgili reakciyada suyıqlıq azg`antay ılaylanıp qalıwı mu`mkin, sho`kpe anıq ko`rinip turadı. Eki on` (++) reakciyada bolsa antigenlerdin` yarımı sho`kpege tu`sedi, suyıqlıq yarım ılaylang`an boladı. To`rt ha`m u`sh belgili reakciyada on` na`tije boladı.