Laboratoriya jumıs №1

Agglyutinaciya reakciyası
Agglyutinaciya reakciyasında (lot.agglutinatio-jabısıw) antitelolar ja`rdeminde mikrob, eritrotsit, leykotsit trombotsit, toqıma kletkaları u`stine antigen adsorbtsiya qılıng`an korpuskulyar bo`leksheler elektrolitli (0,85% NaCl eritpesi) ortalıqta bir -birine jabısıp sho`kpege tu`sedi. Korpuskulyar antigen "agglyutinogen" dep ataladı. Agglyutinaciya reakciyasının` mexanizmi "reshetkanı" esletedi, bunda eki valentli antitelonın` bir aktiv orayı bir antigen menen, antitelonın` ekinshi antigen menen birigiwinen birikpe (agglyutinat) payda boladı. Bir birine jaqın mikroblar jabıssa topar, Agglyutinaciya reakciyası gu`zetiledi. Bul topar, tu`r ha`m variant antigenleri esabınan ju`zege shıg`adı.
Arnawlı spetsefik immun zardabtı bakteriya aralaspasına qosılg`anda olar jabısadı Agglyutinaciya payda bolıp, mayda da`neshelerge uqsas sho`kpeler payda boladı. Agglyutinaciya reakciyası monosisteması, tuwrıdan-tuwrı payda bolatug`ın eki komponentli bolıp, antitelo (agglyutinin) ha`m korpuskulyar antigen (agglyutinogen) qatnasadı. Reakciya antitelo ha`m antigenler mug`darının` ma`lim qatnasında ha`m elektrolit (0,85% NaCl dın` eritpesi) qatnasında payda boladı. Agglyutinaciya reakciyası arnawlı, Agglyutinaciya beriwshi zardap, bakteriya spetsifikdir. Biraq bir-birine jaqın mikroorganizmler menende kem mug`darda bolsada Agglyutinaciya beriwi mu`mkin.
Somatik (O), qamshılı (N) ha`m Vi antigenler tutıwshı ha`reketshen` bakteriyalar menen immunizatsiya qılıng`an haywanlar organizminde O-,N-,Vi-agglyutininler payda boladı. Eger tu`rli bakteriyalarda toparg`a, ha`m tu`rge ta`n antigenler bolsa, olar bir topar antigenlerge qarsı antitelolar tutıwshı immun zardap penen Agglyutinaciya beriwi mu`mkin. Bul mikroorganizmler identifikatsiyasın qıyınlastıradı. Bunday jag`daylarda Kastellanın` agtlyutininlerdi adsorbtsiya qılıw reakciyası o`tkiziledi. Bunda bir -birine jaqın geterogen bakteriyalar immun zardabınan topar, antitelolardı o`zlerine biriktirip aladı, zardapta bolsa tu`rge ta`n antitelolar qaladı. Bir antigen retseptorına antitelolar tutıwshı bunday
zardaplar "monoretseptor" zardaplar, deb ataladı. Olar bakteriya serovarların anıqlawda isletiledi.
Agglyutinaciya reakciyası a`meliyatta tiykarınan juqpalı keselliklerge serologiyalıq diagnoz (qarın tifi, paratif A-V, brutsellyoz, tulyaremiya, rikketsioz keselliklerinde) qoyıwda ha`m ajıratıp alıng`an mikrob kul`turaların serologiyalıq identifikatsiya qılıwda qollanıladı.
Birinshi jag`dayda izleniwshi ushın antigen (diagnostikum) ma`lim, sonın` ushın nawqas qanınan belgisiz antitela izleniledi (ken`eytirilgen Agglyutinaciya reakciyası) ha`m izlenip atırg`an antitelanın` titri anıqlanadı. Juqpalı keselliklerge bul usılda diagnoz qoyıwda a`lbette qos zardap qollanıladı. Birinshi ma`rtebe qoyılg`annan son` ekinshi ma`rtebe 1-1,5 ha`pteden keyin qoyıladı, eger nawqasta izlenip tawılg`an AT titri, birinshi ha`ptedegi titrdan 2 ha`m onnan ko`birek bolsa, titrdin` asıwına qarap nawqasqa diagnoz qoyıladı, eger titr aspasa (ko`pshilik jag`daylarda emlengenlerde, nawqas bolıp o`tkenlerde) diagnoz qoyılmaydı. Ajıratıp alıng`an kul`turalardı serologik identifikatsiya qılıwda polivalentli ha`m monovalentli Agglyutinaciyag`a ushıratıwshı qan zardaplar qollanıladı ha`m reakciyalar buyım aynashasında qoyıladı.