Laboratoriya jumıs №1

Kislotag`a shıdamlı bakteriyalardı Tsil-Nil`sen usılı menen boyaw.
1. Fiksatsiyalang`an su`rtpenin` u`stine tayarlang`an fil`tr qag`azınan qoyıladı, son` fuksinnın` karbollı eritpesi tamızıladı ha`m puw payda bolg`ang`a shekem 3-5 minut dawamında qızdırıladı.
2. Fil`tr qag`az alınadı ha`m su`rtpe suw menen juwıladı.
3. Su`rtpege ren`sizlendiriw ushın 5%li sulfat kislota eritpesinen tamızıladı ha`m 1-2 minut uslap turıladı.
4. Suw menen juwıladı.
5. Su`rtpe metilen ko`ginin` suwlı eritpesi menen 3-5 minut dawamında ja`ne juwıladı.
6. Suw menen juwıladı, qurıtıladı ha`m mikroskop astında ko`riledi

Kislotag`a shıdamlı bakteriyalardın` kletka diywalı ha`m tsitoplazmasında lipid, oksikislotalar, a`sirese mikol kislotanın` ko`p mug`darda bolıwı menen baylanıslı. Karbol kislotanın` eritpesi kletka diywalın bosastıradı, sonın` menen onın` tinktorial qa`siyetin asıradı, boyawdın` joqarı kontsentratsiyası ha`m boyaw protsessinde qızdırıw arqalı boyaw menen bakterial kletkanın` o`z-ara ta`sir reaktsiyası ku`sheyedi, na`tiyjede sul`fat kislota menen ta`sir etilse, kislotag`a shıdamsız bakteriyalar ren`sizlenedi ha`m metilen ko`gi menen ko`k ren`ge boyaladı. Kislotag`a shıdamlı bakteriyalar bolsa, fuksin menen qızıl ren`ge boyaladı (2.4 – su`wret).

Sporalardı Ojeshko usılı menen boyaw.
1. Fiksatsiyalang`an su`rtpege 0,5% vodorod xlorid kislotasının` eritpesi tamızıladı ha`m 2-3 minut dawamında gorelka jalınında qızdırıladı.
2. Kislota to`giledi, preparat suw menen juwıladı, keptiriledi ha`m gorelka jalınında fiksatsiya etiledi.
3. Preparat Tsil` - Nil`sen usılı menen boyaladı.

Bunda bakteriya sporaları qızıl ren`ge, vegetativ formaları hawa ren`ge boyaladı.

Neysser usılı menen valyutin da`neshelerin boyaw.
1. Fiksatsiyalang`an su`rtpege Neysser sinkasının` atsetatı tamızıladı ha`m 2-3 minut uslap turıladı.
2. Lyugol eritpesi tamızıladı ha`m 10-30 sekund uslanadı.
3. Preparat suw menen juwıladı.
4. Su`rtpe vezuvinnın` suwdag`ı eritpesi yamasa xrizoidin menen 1/2-1 min boyaladı.
5. Suw menen juwıladı, keptiriledi ha`m mikroskop astında ko`riledi.

Valyutin da`nesheleri tiykarlı reaktsiyag`a iye bolg`an birikpe bolıp, usı qa`siyetine bola tsitoplazmadan parıq etedi. Sonın` ushın sinka atsetatı menen toq - ko`k ren`ge boyaladı. Kletka tsitoplazması qıshqıl reaktsiyalı bolg`anlıg`ı ushın, tiykarlı boyawdın` vezuvin qabıl etip sarı ren`ge boyaladı (2.6 – su`wret).