Лаборатория ишлари 1-лаборатория иши

Эвтектоиддан кейинги пўлатнинг микроструктураси
Таркибида углерод 0,8% дан 2,14% гача бўлган углеродли пўлатларга эвтектоиддан кейинги пўлатлар дейилади ва микроструктура­си перлит ҳамда иккиламчи цементитдан иборатдир. Иккиламчи цемен­тит аустенитдан секин Асм температурадан Аr₁ температурагача (ES ва РК чизиқларда) совиш натижасида ажралиб чиқади. Секин аста совиш натижасида иккиламчи цементит тўрсимон шаклда ацетенит доналарининг чегараларида ажралиб чиқади. Температура Аr₁ га етганда эcа ацетенитнинг ўзи перлитга айланади. Секин аста совиш натижасида эвтектоиддан кейинги пўлат перлит ва тўрсимон цементит структурасига эгадир (4-расм).

4-расм. Эвтектоиддан кейинги пўлатнинг микроструктураси
Оқ тўр бу иккиламчи цементит; тўр ичида пластинасимон доналар перлитнинг тузилишидир. Эвтектоиддан кейинги пўлатда углероднинг миқдори қанчалик кўп бўлса цементит турларининг қалинлиги шунчалик ошиб боради.
Эвтектоиддан кейинги пўлатдаги углерод миқдорини қуйидаги формуладан аниқлаш мумкин.


Ишни бажаришдан мақсад
1. Мувозанат холатдаги хар хил углеродли пўлатларнинг ва техника темирининг структураси билан танишиш.
2. Микроскоп остида кузатилаётган структурада пўлатдаги углерод миқдори (%) ва перлитнинг эгаллаган юзаси ўртасида боғлиқликни аниқлаш.
3. Текшираётган пўлатнинг таркибидаги углеродни (%) унинг структурасидаги перлит миқдоридан аниқлаш ва пўлатнинг тахминий маркасини аниқлаш.
Ишни бажариш тартиби

1. 
   Студентлар (3-4 кишидан) 2-3 группага бўлинишади.
   
2. 
   Хар бир группа комплект шлифларни олиб, микроскопда кўриб 1-жадвалга микроструктураларини чизадилар.
   
3. 
   Микроструктурани ташкил этувчиларни номларини 1-жадвалнинг 3 графасига киритилади.
   
4. 
   Формулаларга биноан углероднинг миқдорини аниқлаб (%) 4 графага киритилади.
   
5. 
   Пўлатнинг маркасини аниқлаб 5 графага киритилади.
   
6. 
   Бу пўлатларнинг механик хоссаларини китобдан, плакатлардан справочниклардан топиб жадвални тўлдириш
   
7. 
   Бу пўлатларни ишлатиш областларини аниқлаш.