Лаборатория ишлари 1-лаборатория иши

Қаттиқликни Роквелл бўйича ўлчаш. Роквелл усулида олмос конус ёки пўлат шарчага куч таъсирида ботиш чуқурлигига қараб қаттиклик аниқланади.
Қаттиқликни олмос конус билан ўлчашда нагрузка 150 кг ёки 60 кг бўлиши мумкин. Бунда қаттиқлик қиймати, прибор индикаторининг қора шкаласида кўрсатилади. Қаттиқлик НРС ва НРА билан белгиланади. НРА қийматини HRC га қуйидаги формула орқали ўтказилиши мумкин.
НРС = 2 НРА - 104
НРС ва НРА шкалаларида қаттиқлиги юқори бўлган материаллар ўлчанади. Қаттиқлиги юқори бўлмаган материаллар учун пўлат шарчасидан фойдаланилади (бунда нагрузка 100 кг ни ташкил этади).

1-расм. Шарчани изини ўлчаш схемаси. 2-расм. Роквел ускунани схемаси.

Бу холда қаттиқлик циферблатанинг қизил В шкаласи сони би­лан характерланади ва НРВ билан белгиланади.
Роквелл приборининг ишлаш принципи 2 расмда курсатилган.
Текшириладиган намуна стол 7 га қўйилади. Стол стрелкаси бўйича маховик 8 ни айлантириб стол 7 ни ва 6 намунани 5 олмос конусли ғилофга тегканча кўтарамиз. Индикаторнинг кичик стрелкасини қизил нуқтагача ва катта стрелкасини вертикал ҳолгача етмагунча 8 маховикни айлантирамиз, бунда конус материалга бота бошлайди. Катта стрелкани нолга келтириш учун, барабанни ричаг 9 орқали айлантирамиз.
Ишни бажариш максади
1. Қаттиқликни Бринелл ва Роквелл усуллари билан аниқлаш методикасини ўрганиш.
2. Пўлатнинг қаттиқлигини унинг таркибидаги углерод билан боғлиқлигини ўрганиш.
Ишни бажариш тартиби
Ишни бажариш учун студентлар 3-4 тадан кичик группаларга бўлинишади. Бу группалар таркибида 0,07% , 0,45%, 0,6%, 0,8% углерод бўлган пўлат намуналарини олишади. Хамма намуналар юклатилган ва мувозанат ҳолда олинади, яъний қаттиқлиги НВ=300 дан ошмаган бўлиши керак. Демак қаттиқликни Бринелл усулида аниқланади ёки Роквелл усулида пўлат шарча ёрдамида аниқланади.