Laboratoriya ishi: 6 Fosfor va uning birikmalari. Fosfor (V)-oksidini olinishi va xossalari. Meta- va ortofosfat kislotalarning olinishi

2. Fosfinning olinishi va xossalari
1-tajriba. Kamroq miqdorda 4n HCl eritmasi solingan chinni kosachaga yoki tigelga qisqich bilan kichkina 2-3 bo‘lakcha kalsiy fosfididan Ca₃P₂ soling, ajralayotgan gaz va uni o‘z-o‘zidan alangalanishini kuzating. Sodir bo‘lgan reaksiya tenglamalarini yozing. Fosfor va azotning vodorodli birikmalarining barqarorligini solishtiring. (Reaksiyani ehtiyotlik bilan mo‘rili shkafda o‘tkazing. Chunki zaharli gaz ajralib chiqadi).


3. Fosfor (V) oksidining (fosfor angidridining ) olinishi
(Ish mo‘rili shkafda bajarilsin)
1-tajriba. Asbest to‘riga qo‘yilgan chinni kosachaga 0,4-0,5 g qizil fosfor soling. Kosacha ustiga taxminan 0,5 sm oraliqda quruq voronkani joylashtiring. Qizdirilgan shisha tayoqcha bilan fosforni yondiring. Voronka devorlariga qanday birikma cho‘kadi? Reaksiya tenglamasini yozing.
Hamma fosfor yonib bo‘lganidan so‘ng, voronkani shtativning xalqasiga joylashtiring va 5-ishdagi 1- tajriba uchun saqlab qo‘ying.