Laboratoriya ishi №1 Analitik kimyo laboratoriyasida ishlash texnika xavfsizlik koidalari

V va VI analitik guruh kationlarini ajratish va aniqlash. V va VI guruh kationlari hosil qilgan gidroksid va asosli tuzlar cho’kmalari nitrat kislota (1:1) eritmasi bilan vodorod peroksid ishtirokida qizdiriladi. Surmadan tashqari (u metasurma kislota HSbO₃ cho’kmasi shaklida qoladi) ikala guruh kationlari ham eritmaga o’tadi. Bu cho’kma sentrifugalanib ajratiladi, konsentrlangan xlorid kislotada eritiladi va o’ziga xos reaksiya orqali ochiladi.

Nitrat kislotali eritma surma ajratib olingandan keyin loyqalanish boshlanguncha 1 M soda Na₂CO₃ bilan neytrallanadi. Keyin 2-3 marta ko’proq hajmdagi konsentrlangan ammiak eritmasi solinib, 40-50⁰ C haroratgacha qizdiriladi. Bunda VI analitik guruh kationlari eritmaga kompleks ammiakatlar [Cu(NH₃)₄]²⁺, [Hg(NH₃)₄]²⁺, [Cd(NH₃)₄]²⁺, [Co(NH₃)₄]²⁺ va [Ni(NH₃)₆]²⁺ shaklida o’tadi. Cho’kmada V guruh kationlari gidroksidlari qoladi.

Aralashma sentrifugalanadi. Sentrifugat va cho’kma ajratiladi va alohida analiz qilinadi.

Cho’kma 2M li ammiak eritmasi va suv bilan yuviladi, keyin cho’kma nitrat kislotada eritiladi va V guruh kationlari aralashmasini analiz qilish tartibi bo’yicha analiz qilinadi.

VI guruh kationlarini tutgan ammiakli sentrifugatga kuchsiz kislotali muhit hosil qilish uchun 1M li sulfat kislota bilan neytrallanadi va VI guruh kationlari aralashmasini analiz qilish tartibi bo’yicha analiz qilinadi.