Laboratoriya ish №1

KIMYO LABORATORIYASIDA ISHLATILADIGAN JIHOZLAR

1. SHISHA IDISHLAR. Kimyoviy tajribalar o’tkazishda ko’pincha shisha idishlardan foydalaniladi. Laboratoriyada ishlatiladigan shisha idishlar temperatura ta’siriga chidamli bo`lib, odatda maxsus belgi qo’yiladi. Probirka, stakan, kolba, yassi kolba, konussimon kolba, Vyurs kolbasi, retorta, o’lchov kolbalari, menzurka, pipetkalar, kristallizator, soat oynasi, termometr, voronka laboratoriyada ko’p ishlatiladi.

Probirkalar. Kimyo laboratoriyasida ko’pchillik tajribalar, asosan, probirkalarda olib boriladi. Probirkalar har xil hajmda bo’ladi.




Kolbalar. Shakliga qarab tubi tekis, tubi yassi, tubi yumaloq kolbalar bo’ladi. Tubi yumaloq kolbalar kimyo xonasida kamroq foydalaniladi. Bu kolbalar, asosan, uzoq vaqt davomida kuchli qizdirish talab etadigan tajribalarda, ko’pincha organik kimyoda ishlatiladi. Uzun bo’g’izli tubi yumaloq kolbalar past temperaturada qaynab sachraydigan suyuqliklarni isitish uchun ishlatiladi. Alohida ishlar uchun ishlatiladigan kolbaVyurs kolbasidir. Vyurs kolbasidan, asosan, CI₂, HCl, SO₂ olishda foydalaniladi.

Stakanlar. Laboratoriya amaliyotida tajribalar ko’rsatish, filtrlash, filtratni yig’ish va shu kabi ishlarda kimyoviy stakanlar ishlatiladi.

Voronkalar. Qisqa nayli konussimon voronkalar filtrlashda, suyuqliklarni bir idishdan ikkinchi idishga quyishda ishlatiladi. Tomizgich voronkalardan suyuqlikni tomchilatib quyish, ajratish voronkalaridan bir-biriga aralashmaydigan suyuqliklarni bir-biridan ajratish uchun foydalaniladi.

Retortalar. Nitrat kislota olishda ishlatiladi.