Курсни тугатиш иши

ДМТТларда маънавий тарбия ишларини ташкил қилиш методикасининг асосий манбалари:
Тарбиячи турли мухитда таркиб топган болаларга маънавий тушунча ва хулқни ўргатади. Нотўғри шаклланган кўникмаларни ўчириб ташлаш мақсадида боланинг туйғулари сохасига таъсир қилади.
ДМТТларда тарбияланувчилар маънавиятини шакллантиришда қуйидагиларга эътибор қаратиш лозим:

• Ўзбек халқ эртаклари, достонларда улуғланган маънавий фазилатларни тарғиб қилиш;
• Ўзбек халқининг узоқ ўтмишга эга анъаналари, урф–одатлари намуналаридан фойдаланиш;
• Тарбияланувчилар маънавиятини шакллантиришда халқ педагогикаси, халқ ҳунармандчилиги, амалий санъат, мусиқа ва театр санъатидан фойдаланиш;
• МТТда ташкил этиладиган маънавий-маърифий тадбирлар имкониятларидан кенг фойдаланиш;
• Тарбияланувчилар маънавий фазилатларини шакллантиришда оиланинг ҳамкорлиги ва масъулиятини ошириш.

II боб. Маънавий-маърифий тадбирларни ташкил қилиш орқали тарбияланувчиларнинг маънавий фазилатларини шакллантириш
2.1 Маънавий- маърифий тадбирларнинг тарбиявий аҳамияти
Мактабгача таълим ташкилотларида маънавий-маърифий тадбирларнинг таъсир кучи шундаки катта макбагача тарбия ёшидаги болаларда маънавий фазилатларни ўзлаштиришга чанқоқ кучли бўлади. Бунда эса мактабгача таълим ташкилотларида ташкил этиладиган маънавий-маърифий ишларни ўрни беқиёс.
Мактабгача таълим ташкилотларида байрам таннаналари ўйин кулгили, ашула ва рақслар чиройли кийимлар, совғалар мўжизали дақиқалар болалар хотирасида узоқ сақланади. Байрам тантаналарини уюштиришда педагог ва тарбиячиларнинг тайёргарлиги ўзига хос аҳамият касб этади.
Мактабгача таълими тизимида маънавий маъририфий ишларни ташкил этишнинг алоҳида жиҳатларидан бири шуки айни бу даврда инсоннинг асосий маънавий дунёқараши шаклланадиган давр ҳисобланади. Шу сабабли ДМТТларда маънавий тадбирларни ўтказиш болаларни юксак маънавиятли баркамол шаҳс қилиб тарбиялашда ўрни катта. ДМТТда ўтказиладиган оммавий-маърифий тадбирларнинг амалий-педагогик мақсади шуки унда машғулотлар давомида олинган билимларни мустаҳкамланади.
Мактабгача таълим ёшидаги болаларни эҳтиёжлари ва қизиқишлари жадал равишда ортиб боради. У энди қўни-қўшниларнинг болалари билан ҳам жамоа бўлиб ўйнашга ҳаракат қилади, ҳамма нарсани билиб олгиси келади, ҳар нарсани янгилик сифатида кўриб, буни ҳар томонлама билиб олишга интилади. Бундай даврда мактабгача таълим ташкилотларида тарбияланувчиларга оммавий-маънавий тадбирлар орқали маънавий тарбия бериш муҳимдир. Бунда қуйидагиларни эътиборга олиш лозим.
Тарбияланувчиларни миллий халқ этраклари ва достонлари намуналаридан фойдаланиб ахлоқий сифатларини шакллантириш
ДМТТларни миллий маънавиятимизга ёт бўлган расмлар, дидактик материаллар, ўйинчоқлар билан безатишдан воз кечиб, ташкилотларни миллийлигимизни акс эттирувчи жиҳозлар билан безатиш
Ўзбекистон Республикаси Мактабгача таълим вазирининг 2019 йил 15 мартдаги “Мактабгача таълим ташкилотларида маънавият куни”ни ташкил этиш тўғрисидаги буйруғида мактабгача таълим ташкилотларида ҳар ҳафтанинг жума кунлари тарбияланувчиларнинг маънавий фазилатларини шакллантириш мақсадида маънавият кунини ўтказиш ва ҳар ойнинг охирги жума кунлари педагог ходимларни маънавий дунёқарашини бойитиш мақсадида маънавият соатларини ташкил этиш белгиланган. Шунингдек, буйруқда тарбияланувчилар учун маънавий-маърифий тадбирларни ташкил этиш кўрсатилган.