Курс кисми: Умумий патологик анатомия

29. Жигар кунгир атрофиясининг макроскопик белгиларини санаб утинг:
1.улчамлари катталашган 2.олдинги кисми айлана (думолоклашган) 3.олдинги кисми уткирлашган
4.улчамлари кичиклашган 5.улчамлари узгармаган * 1, 2 * 1, 3 * 2, 4 * 2, 5 *3, 4
30. Грануляцион тукима компонентларини айтинг:
1.янги хосил булган майда томирлар 2.еш мезенхимал хужайралар 3.фибробластлар 4.гиалин
5.гематоген хужайралар * 1, 2,3,4 * 2, 3,4,5 *1, 2,3,5 * 1, 3,4,5 * 1, 2,4,5
Ш.Амалий машгулотда ечиш учун масалалар:
1. Жасад ёрилганда упкада бириктирувчи тукима билан уралган зич консистенцияли сузмасимон некроз учоги топилди. Ушбу учог микроскопик текширилганда кальций тузларини утириши, ички катламида бириктирувчи тукимани суякланишини аникланди. Юкорида айтилган узгаришни номланг ва суякланишни ривожланиш механизмини тушинтиринг?


Машгулотни мавзуси: УСМАЛАР ХАКИДА УМУМИЙ ТУШУНЧА.
Усма (бластома, неоплазма, тумор, юнонча Blast - куртаклар хосил киламан сузларидан олинган) - паталогик жараён булиб, уни асосида хужайраларни чексиз равишда купайиши ётади. Усмалардаги хужайраларни купайиши пролифератив яллигланиш, регенерация, гиперплазия, жарохатларни битиши, уюшуви, инкапсуляция ва бошкалардаги хужайраларнинг купайишидан уз мохияти билан фарк килади. Уларда бириктирувчи тукима ва паренхиматоз аъзо хужайраларини купайиши мослаштирувчи ва химоя килувчи реакция хисобланади, усмаларда эса у буларга хеч бир алокаси йук хисобланади.
Усма пайдо булиш холлари одам ёши улгайган сайин ортиб боради. Болалар усмалардан улиш 10%ни ташкил этади (лейкозлар, марказий нерв системаси усмалари, юмшок тукималар ва суяклар саркомаларидан).
Усма усиш жараёнлари организмда хужайрани ураб турган микромухит омиллари (гуморал омиллар, кушни хужайралар, коллаген толалар, базал мембраналар) таъсирига курсатиладиган реакциянинг издан чикиши билан таърифланади. Усма хужайралари организмда бошкарув омиллар таъси­рига буйсунмайди, лекин улар организмнинг алмашинув жараёнлари ва кон таъминотига боглик булади.

Этиологияси ва патогенези

Генларни канцерогенлар (кимёвий моддалар), ионлаштирувчи нурлар ва вирусларнинг зарарлаши катта ахамиятига эга.
1) канцерогенез генларнинг зарарланишига (альтерациясига) боглик. Генларнинг мутацияси табиатан ирсий булиши хам мумкин;
Бошкарувчи генларнинг икки синфи тасвирланган: хужайраларнинг булиниши ва табакалашувини идора этувчи протоонкогенлар ва усма пайдо булишини пасайтирувчи супрессор-генлар – антионкогенлар аникланган. Канцерогенез куп боскичли жараён булиб, фенотип дои­расида хам, генотип доирасида хам юзага чикади. Протоонкогенлар ретровируслар таъсир этганида ёки протоонкогенларни хужайра онкогенларига айлантирувчи омиллар таъсири остида он­коген (хужайра трансформациясини бошлаб берувчи ген) булиб колади.
Усмаларнинг пайдо булишида онкоген (канцероген) хоссаларга эга булган, яъни соф холда таъсир курсатганида организмда усмалар пайдо булишига сабаб була оладиган кимё­вий моддалар хам мавжуд (масалан: печка куруми таркибидаги 3, 4-бензпирен ва б.) Кимёвий табиатга эга булган канцерогенлар хозир экзо-ва эндоген хилларга булинади. Экзоген канцерогенлар жумласига корамойни кайта хайдаш, нефть махсулотлари, нефть, ишланган газлар, битум таркибида буладиган баъзи кимёвий бирикмалар киради. Таркибида 3, 4-бензпирен буладиган тамаки тутуни хам усма пайдо киладиган, яъни онкоген моддалар жумласига киради. Эндоген канцерогенлар жумласига витамин D, ут кислоталари, жинсий гормонлар, индол, холестерин киради. Кимёвий канцерогенларнинг хаммаси тузилиши ва таъсир механизмига караб иккита асосий гурухга булинади: биринчи гурухига алкилловчи моддалар (тугридан-тугри таъсир утказадиган канцерогенлар, канцерогенлик кучи суст булади): диметилсульфат, циклофосфамид ва б. киради. Иккинчи гурухга (проканцерогенлар - хосил буладиган метаболитлар эса - асосий кан­церогенлар деб аталади) гетероциклик ароматик углеводородлар (масалан, бензантрацен, 3-метилхолантрен), ароматик аминлар, (2-нафтиламин, бензидин, 2-ацетилами-нофлюорен), баъзи усимликлар ва микроблар хаёт фаолияти махсулотлари (афлатоксин В, бетель ва бошкалар) ташкил этади. Фаоллашув, яъни активация жараёнида онкоген моддалар электрофил хоссаларни касб этиб хужайралар макромолекулалари нуклеофил марказлари (ДНК- РНК ва хужайра оксиллари) билан узаро таъсирга киришади.
Усманинг усиб, ривожланиб бориши кимёвий канцерогеннинг табиатига, микдори, яъни дозасига ва нечоглик узок таъсир килганига боглик. Канцероген омиллар орасида турли нурлар — куёш нурлари, рентген нурлари, атом ядроси парчаланганида ажралиб чикадиган зарралар, радионуклидлар мухим урин тутади.
Радиация хромосомалар альтерациясига (транслокациясига) сабаб булади, шу нарса хужайралар мутациясига олиб келади. Ультрабинафша нурларнинг канцероген таьсири хужайралардаги ДНК ни зарарлайди.
Усмаларнинг келиб чикишида онковируслар катта роль уйнайди. Онковирусларнинг иккита асосий синфи: 1) бир ипли РНК-вируслар ( ретровирус - Павиан маймун саркомаси (Раус саркомаси), сут бези усмалари ви­руси, хайвонлар лейкемияси вируси). Одамда учрайдиган Т-хужайрали лейкозлар, сут бези раки, лейкемия, лимфомалар вируси хам шуларга киради.
Шу РНК-вирусларнинг нуклеин кислотаси провирус шаклида хужайра хромосомасига (геномига) жойлашиб олиши (интеграцияланиши) ва хужайранинг узгариб кетишига сабаб булиши мумкин.
2) ДНК-вируслар куйидаги хусусиятлари билан ретровируслардан фарк килади:
а) вирус ДНК си тугридан-тугри хужайралар геномига жойлашиб олади;
б) ДНК вируслар таъсири остида трансформацияга учраган хужайралар вирус репликациясига кодир булмайди. Бундай хужайраларда вируслар сонининг ортиб кетиши уларнинг цитолизга учрашига олиб келади. Одамда учрайдиган усмаларга куйидаги вируслар са­баб булиши мумкин: 1) одам папилломаси вируси (тери, вульва, бачадон буйни раки), 2) герпес вируси (вульва, бачадон буйни раки), 3) Эпштейн — Барр вируси (Беркитт африка лимфомаси, назофарингеал карцинома) 4) цитомегаловирус (Капоши саркомаси), 5) В гепатит вируси (гепатоцеллюляр рак).
Усма пайдо булишида эпигеном узгаришлар, яъни хужайраларнинг эмбрионал ривожланишида табакаланиб бориши билан бирга давом этадиган генетик хоссаларнинг узгариб колиши хам ахамиятга эгадир.
Этиологик омилларнинг хаммаси хужайралар мутациясига сабаб булади, шу нарса хужайрада усма хоссалари пайдо булишига олиб келади.