Kurs jumíSÍ tema

Temanıń izertleniw jaǵdayı. Mámleketimiz óz ǵárezsizligine eriskenge shekemgi totalitar dúzim dáwirinde bul mádeniy esteliklerge “ótmishtiń qaldıǵı” degen aydar taǵılıp, olardı xalqımızdıń sana-seziminen pútkilley alıp taslaw, milliy ruwxıy tuyǵılarımızdı hálsiretiw sol dáwirdegi idealogiyanıń baslı maqseti edi. Degen menen, usınday táshwishli zamanlarda da milliy ónerge, úrp-ádetlerge sadıq bolıp qalǵan hasıl sózge janı qumar xalqımız usı milliy qádiriyatlarımızdı qásterlep, óziniń júrek tórinde saqlay bildi. Ǵárezsizliktiń erkin samalı esken házirgi dáwirimizde usı ata miyraslarımız qayta tiklenip, búgingi kúnimiz, erteńimiz, keleshegimiz ushın, mámleketimizdiń, jámiyetimizdiń qáliplesiwi, bekkemleniwi hám rawajlanıwı ushın xızmet etetuǵın biybaha qúdiretli kúshke aylandı. Prezidentimiz SH.Mirziyoev: “Ádebiyat hám mádeniyatqa itibar – bul, dáslep, xalqımızǵa itibar, keleshegimizge itibar ekenligi, ádebiyat, mádeniyat jasasa, millet jasawı múmkinligin umıtıwǵa bizlerdiń sirá haqımız joq”¹, - degen edi. Sol sebepli, mámleketimizde ádebiyat hám mádeniyatqa ayrıqsha itibar qaratılmaqta.

Birinshi Prezidentimiz I.A.Karimovtıń aytıp ótkenindey “…qaraqalpaq xalqı óziniń áyyemgi tariyxı, úrp-ádetleri, dástúrleri, tili, mádeniyatına tán tákirarlanbas belgileri menen ajıralıp turadı… qaraqalpaqlardıń ózine tán kórkem óneri, nama-qosıqları, atqarıwshılarınıń jaǵımlı hám biyik lapızı hámmeni tań qaldıradı… mine usınday ádebiyatı, mine usınday mádeniyatı bar eken, qaraqalpaq xalqı hesh qashan kem bolmaydı”.²

Yusıp-Ziliyxa haqqında kóp ásirler dawamında júzlep hár qıylı shıǵarmalar payda boldı. Bunday temalarda jaratılǵan eń eski shıǵarmalardıń biri Ferdawsiydiń “Yusıp-Ziliyxa” dástanı bolıp esaplanadı. Rabǵuziydi de bul dástan qızıqtırǵan hám óz shıǵarmalarınıń birine “Yusıp-Ziliyxa”nı tiykarǵı bir qıssa qılıp kiritedi. Sonday-aq, Sheraziy de “Yusıp-Ziliyxa” dástanın jaratqan. “Yusıp-Ziliyxa” dástanın pútkil xalıq súyip tıńlaǵan hám ayırım bólimlerin yadlap aytıp ta júrgen.