Kurs ishimizning maqsad va vazifalari

Kirish


Mavzuning dolzarbligi. XVII asr o‘rtalaridan XVIII asr oxirlarigacha bo‘lgan tarixiy davr cherkovning roli va uning ahamiyati nuqtai nazaridan qaraganda quyidagi asosiy xususiyatlar bilan ajralib turadi. Bu davrda katolik cherkovining roli va papa hokimiyatining xalqaro ta’siri ancha pasayib ketdi, shu bilan birga, katolitsizm tizimsida “milliy cherkov” tashkil etish fikrini himoya qiluvchi diniy oqimlar rivojlandi; protestantizm bir qancha mamlakatlarda katolitsizmni siqib chiqarib, etakchi guruxning asosiy g‘oyaviy tayanchi sifatida mustahkamlanib oldi; ijtimoiy-siyosiy kurashning keskinlashuvi va tabiiyot ilmi erishgan muvaffaqqiyatlar munosabati bilan rivojlangan din haqida erkin fikr yuritish ancha kuchaydi; Evropaning ko‘proq taraqqiy qilgan mamlakatlarida ijtimoiy-siyosiy va madaniy hayot “sekulyarizatsiya” qilindi (cherkov ta’siridan xalos etildi).
Ayrim mamlakatlar va xalqlarning XVII-XVIII asrlardagi tarixi xilma-xil yo‘llar bilan borgan. Lekin shu muayyan xilma-xillikka qaramay, jahon tarixining bu davri hal qiluvchi ikki palla o‘rtasidagi bir yarim asrlik vaqtni butunicha qamrab oladi, bu vaqt ingliz burjua inqilobining boshlanishidan to fransuz inqilobining boshlanishigacha o‘tgan yillarni o‘z ichiga oladi.
Kurs ishimizning maqsad va vazifalari. Kurs ishimizda biz Papa xokimiyati xalqaro nufuzining pasayishi omillari, Iezuitlar ordenining faoliyati va uning tugatilishi, Xristianlik cherkovi, uning oqimlari -protestantizm va pravoslaviyani va XVII-XVIII asrlarda Evropa madaniyatini o‘rganib chiqishni maqsad qilib oldik.
Din (arabcha “din”-e’tiqod,ishonch)-ijtimoiy hayotni, voqeilikni, uning hodisalarini o‘ziga xos tarzda in’ikos ettiruvchi ijtimoiy ong shaklaridan biri. Din ibtidoiy jamoa tuzumi davrida vujudga kelgan va o‘sha davrda yashagan insonlarning dunyo qarashini ifoda ettirgan. Din dunyo, inson, mavjudotlarning kelib chiqishini, hayotning mazmuni va ma’nosi, insonning yashashdan maqsadlari kabi savollarga o‘zicha javob beruvchi dunyoqarash shakli bo‘lib kelgan. Hozirgi davrda ham insoniyatning talay qismi uchun din ushbu vazifani bajarib kelmoqda.
CHerkov (yunoncha Kyriake- xudoning uyi) Xristianlikdagi maxsus diniy tashkilot. O‘z diniy aqidalari va marosimlar tizimiga ega. CHerkov ierarxik tarzda boshqariladi. CHerkovga mansub kishilar ruhoniylar va oddiy dindorlarga bo‘linadi.
Yirik xristianlik cherkovlari- Provaslaviya cherkovi, Katolik cherkovi, Protestantizm cherkovi va boshqalar. Xristianlik dinida cherkov ibodat qilish uchun maxsus qurilgan bino. SHaxar yoki monastirning bosh cherkovi sobor deyiladi. O‘zbekistonda hozirda 160 dan ortiq cherkov faoliyat ko‘rsatadi.¹