Kurs ishi rahbari: N. Ikromov Farg`ona-2021 yil mundarija

Kurs ishining dolzarbligi: Fizika, biologiya, kimyo, tibbiyot, iqtisod va boshqa fanlarda uchraydigan ko’plab jarayonlar differensial tenglamalar yordamida tavsiflanadi. Shu tenglamalarni o’rganish bilan tegishli jarayonlar haqidagi biror ma’lumotga, tasavvurga ega bo’lamiz. Ana shu differensial tenglamalar o’rganilayotgan jarayonning matematik modelidan iborat bo’ladi. Bu model qancha mukammal bo’lsa, differensial tenglamalarni o’rganish natijasida olingan ma’lumotlar jarayonlarni shuncha to’la tavsiflaydi. Shuning uchun differensial tenglamalarni o’rganish muhim hisoblanadi.
Kurs ishining maqsadi: Kurs ishi bajarishimdan asosiy maqsad, o’zgarmas koeffitsientli bir jinsli va bir jinsli bo’lmagan differensial tenglamalar, ularni yechish usullari bo’yicha ma’lumot berish, differensial tenglamalarning tatbiqlarini misollar orqali tushunishdan iborat.
Kurs ishining obyekti: Barcha oliy o’quv yurtlarining fizika-matematika fakultetlarini matematika, oddiy differensial tenglamalar fanini takomillashtirish.
Kurs ishining vazifalari: Ushbu kurs ishining vazifalari quyidagilardan iborat:
1. Mavzuga doir ma’lumotlarni yig’ish va rejani shakllantirish;
2.Ta’lim sifati va samaradorligini yaxshilash orqali ta’lim natijasini ta’minlash yo’llarini aniqlash;
3. Zamonaviy axborot texnologiyalarini o’rganish;
4.Matematika ta’limida axborot texnologiyalaridan foydalanish metodikasining ahamiyatini bilish;
5. Kurs ishini jihozlab, uni himoyaga tayyor qilish.
Kurs ishi asosan oliy o’quv yurti talabalariga matematik bilimlar dunyosi, differensial tenglamalar, ularning rang-barangligi hamda hayotiy ahamiyatini, uning zarurligini o’rgatishdan iborat.
Mazkur kurs ishi ikkita bobdan, xulosa va foydalanilgan adabiyotlardan iborat bo`lib, har bir bob paragraflarga, ular esa (zaruriyatga qarab) bandlarga bo`lingan. Har bir paragraf (band)da avval tegishli mavzuga oid asosiy tushunchalar va nazariy ma`lumotlar bayon qilinib, so`ngra misol va masalalar yechib ko`rsatilgan.