Курс иши мавзу: Давлат бюджети ва давлат мақсадли жамғармалари бюджетлари даромад қисми ижроси ҳисоби Гурух

1 – чизма. Ғазначилик органларида даромадлар ҳисобини хужжатлаштиришни схематик кўриниши

Юридик ва жисмоний шахсларнинг бюджетга ортиқча тўланган суммаларни қайтарилиши бўйича ёзган аризалари солиқ инспекциясига келиб тушади. Солиқ инспекцияси тўловчиларнинг шахсий ҳисобварақларидаги маълумотларга асосан кўрсатилган тўлов бўйича тўловчида ортиқча тўланган сумманинг мавжудлиги тўғрисида ҳулоса беради ва уни тўловчининг аризаси билан бирга кўрсатилган суммани бюджетдан қайтариш ёки уни келгуси тўловлар ҳисобига ўтказиш тўғрисида қарор қабул қилиш учун молия органига беради. Молия органлари ортиқча ўтказилган маблағни қайтариш учун банк муассасасига тақдим этади ва банк муассасаси кунлик тушган бюджетга ўтказиладиган (даромад турига мувофиқ) маблағ ҳисобига қайтарилади. Бунда Ғазначилик органлари томонидан ортиқча тўланган маблағларни қайтариш ҳисоби юритилмайди

Ортиқча тушган даромадларни тўловчиларга қайтариб бериш молия бошқармалари томонидан банкдаги транзит ҳисоб рақамидан амалга оширилади.
Молия бошқармасининг раҳбари томонидан тасдиқланган амалдаги тартибга мувофиқ даромадлар бўйича суммаларни қайтариш ёки ҳисобга олиш тўғрисидаги ҳулоса ижро этилиши учун молия бошқармасининг бош бухгалтерига тақдим этилади. Молия бошқармасининг бухгалтерияси ҳужжатлар тўғри расмийлаштирилганлигини текширгандан сўнг бюджет даромадига ортиқча ўтказилган суммани қайтариш бўйича банкка тақдим этади.

3.Ғазна ижроси шароитида Давлат бюджети даромадларини бухгалтерия ҳисоби ҳисобварақлари ва ҳисоб регистрларида акс эттириш.
Молия органларида, Ғазначилик ва унинг худудий бўлинмаларида бюджет даромадлари ҳисоби 04 "Даромадлар" номли ҳисобварақда юритилади. 040-сонли ҳисобварақ “Бюджет даромадлари” ҳисобот йили якуни бўйича ғазна ҳисобварақларига бюджет ижроси натижалари даромадларига тушумлар, берилган ва олинган даромадлар (дотациялар, субвенциялар) суммалари, кўчирмалар, қайтариш ва ўтказишлар билан боғлиқ операциялар ҳисоби учун мўлжалланган.
Бухгалтерия ўтказмалари матрицаси :

№	Муомалалар мазмуни	Дт	Кт		Асос бўлувчи хужжат
Республика бюджети бўйича
1.	Республика бюджетига солиқлар ва йиғимлар ва бошқа даромадлардан маблағлар тушуми	010	040	Тўлов хужжатлари илова қилинган ҳисобварақдан кўчирма
2.	Аниқланмаган тушумларни даромадларга олиб бориш	041	040	ҳулоса
3.	Ҳисобот даврида бюджет ижроси натижалари ҳисобварағига тушган даромадларни ҳисобдан чиқариш	040	090	Бухгалтерия маълумотномаси, м/о
Қорақалпоғистон Республикаси ва махаллий бюджетлар бўйича
1.	Вилоят бюджетининг даромадларига солиқлар, йиғимлар ва бошқа даромадлар ўтказмаларидан тушумлар	011	040		Тўлов хужжатлари илова қилинган ҳисобварақдан кўчирма
2.	Аниқланмаган тушумларни даромадларга олиб бориш	041	040		хулоса
3.	Ҳисобот даврида тушган даромадларни бюджетлар ижроси натижалари ҳисобига ўтказиш	040	090		Бухгалтерия маълумотномаси, м/о

041-сонли ҳисобварақ “Аниқланмаган тушумлар” тегишли бюджет (жамғарма бюджети) даромадларига, божхона органлари ғазна депозит счётига, бюджетдан маблағ олувчиларнинг бюджетдан ташқари маблағларига ўтказиш ёки даромадлар таснифининг тегишли кодларига қабул қилинишига асос бўлмаган ғазна ҳисобварақларига келиб тушган аниқланмаган маблағлар билан боғлиқ операциялар ҳисоби учун мўлжалланган.

Аниқланмаган маблағлар 041-сонли “Аниқланмаган тушумлар” ҳисобварақга ўтказилади ва ҳар ойда охирги иш кунидан кечиктирмай 23402 банк транзит счётига ўтказилиб тегишли бюджет таснифида акс эттирилади.