Kurs ishi mavzu: Davlat boshqaruv organlari va mahalliy hokimiyat organlarining hujjatlari va harakatlari

Davlat boshqaruv organlari tashkil qilinishi bo‘yicha: Prezident farmoniga ko‘ra tashkil qilinadigan organlar; Vazirlar Mahkamasi tomonidan tashkil qilinadigan organlar; hokimlarning qaroriga asosan tashkil qilinadigan organlar; vazirliklar va davlat qo‘mitalari, assotsiatsiya, korporatsiya, konsern, kompaniyalar tomonidan tashkil qilinadigan organlar; respublika miqyosidagi banklar tomonidan tashkil qilinadigan organlarga bo‘linadi.

a) Prezident farmoniga ko‘ra tashkil qilinadigan organlarga: Vazirlar Mahkamasi vazirliklar va davlat qo‘mitalari, respublika miqyosida faoliyat ko‘rsatadigan boshqa organlar (masalan, assotsiatsiyalar, korporatsiyalar, konsernlar, kompaniyalar, kompaniyalar) kiradi. Prezidentning hamma farmonlari keyinchalik Oliy Majlis tomonidan tasdiqlanadi;

b) Vazirlar Mahkamasi tomonidan tashkil qilinadigan organlarga bosh boshqarma, markaz maqomidagi organlar kiradi (masalan, gidrometeorologiya bosh boshqarmasi);

v) hokimlarning qaroriga asosan tuziladigan organlarga hokimiyatning bo‘lim va boshqarmalari, har xil komissiyalar kiradi. Hokimlarning qarori mahalliy deputatlar kengashida tasdiqlanadi;

g) vazirliklar va davlat qo‘mitalari, respublika miqyosida faoliyat ko‘rsatadigan boshqa organlar tomonidan tashkil qilinadigan organlarga korxonalar, muassasalar, tashkilotlar va boshqa nomdagi organlarning ma’muriyati kiradi. Bu organlar mahalliy miqyosda faoliyat ko‘rsatadi.

Barcha tashkil qilingan organlar, ularni tashkil qilgan organga bo‘ysunadi. SHu sababli yuqori organlarning huquqiy hujjatlari ular uchun majburiydir.