Курашиш дарслик “Akademiya” Тошкент – 2022

8.6. Коррупцияга оид ҳуқуқбузарликлар натижасида қабул қилинган 
қарорларни бекор қилиш ёки ўзгартириш тартиби
Ўзбекистон Республикасининг “Коррупцияга қарши курашиш 
тўғрисида”ги Қонунининг 29-моддасида “Коррупцияга оид ҳуқуқбузар-
ликлар натижасида қабул қилинган қарорларни бекор қилиш ёки 
ўзгартириш” тартиби белгиланган. Унга кўра, коррупцияга оид ҳуқуқбу-
зарликлар натижасида қабул қилинган қарорлар манфаатдор шахснинг 
аризасига кўра, ваколатли давлат органи, бошқа ташкилот ёки мансаб
-
дор шахс томонидан бекор қилиниши ёхуд ўзгартирилиши ёки суд тар
-
тибида ҳақиқий эмас деб топилиши мумкинлиги таъкидланган.
Коррупцияга оид ҳуқуқбузарликлар содир этилганлиги натижасида 
қабул қилинган қарор бекор қилинган, ўзгартирилган ёки ҳақиқий эмас 
деб топилган тақдирда, унинг қабул қилиниши натижасида жисмоний ва 
юридик шахсларга етказилган зарарнинг ўрни қонунчиликда белгилан
-
ган тартибда қопланиши назарда тутилган. 
Бу ҳолат Ўзбекистон Республикасининг “Маъмурий тартиб-таомиллар 
тўғрисида”ги Қонунида ҳам кўзда тутилган. Жумладан, ушбу Қонуннинг 
59-моддаси “Маъмурий ҳужжатни бекор қилиш, ўзгартириш ёки ҳақиқий 
эмас деб топиш”га бағишланган бўлиб, унга кўра, маъмурий ҳужжат ман
-
фаатдор шахснинг аризаси ёки маъмурий шикоятига кўра, маъмурий 
ҳужжатни қабул қилган маъмурий орган, юқори турувчи маъмурий орган 
томонидан, шунингдек, қонунчиликда назарда тутилган ҳолларда бошқа 
органлар томонидан ҳам бекор қилиниши ёки ўзгартирилиши мумкин
-
лиги белгиланган.
Шунингдек, маъмурий ҳужжатни бекор қилиш ёки ўзгартириш за
-
рурияти қонунчиликдаги ўзгартишлар, жамоат манфаатларига бўлган 
таҳдиднинг олдини олиш, маъмурий ҳужжатнинг қонунчиликка 
номувофиқлиги аниқланганлиги сабабли юзага келган ҳолларда ва 
қонунда назарда тутилган бошқа ҳолларда маъмурий орган ўзи қабул 
қилган маъмурий ҳужжатни ўз ташаббусига кўра, бекор қилишга ёки 
ўзгартиришга ҳақли эканлиги таъкидланган.

---

159