Kristallografiya, kristallokimyo va mineralogiya

Nazorat uchun savollar.

1. Polimorfizm turlari.

2. Kremnezem va glinozyomning polimorfizmi.

3. Izomorfizmni hosil bo‘lish sharoiti.

4. Izovalentli va geterovalentli izomorfizm.

5. Qattiq eritmalar va ularning turlari.

12-mavzu: Fizikaviy kristallografiya. Kristall materiallarning mexanik, issiqlik, elektr, optic va boshqa xossalarini o’rganish.
Reja:

1. 
   Minerallarning fizik xususiyatlari.
   
2. 
   Minerallarning rangi
   
3. 
   Minerallarning kimyoviy xususiyatlari.
   

Minerallarning fizik xususiyatlari. Minerallar tabiatda juda ko‘p tarqalgan, Yer yuzasining ustki qismi - litosfera ulardan tashkil topgan. Litosferaning asosiy qismini - 87 foizgacha (og‘irligi bo‘yicha) silikatlar va kremniy oksidi tashkil etadi, shu jumladan: dala shpatlari - 55; piroksen va amfibollar - 15; kvars - 12; slyudalar - 3; oksidlar va gidroksidlar -3; kalsit - 1,5; gil minerallari - 1,5; fosfatlar - 0,75; xloritlar va ftoritlar - 0,5; sulfidlar bilan sulfatlar - 0,3 va sof tug‘ma elementlar - 0,1 % tashkil etadi.

Minerallarning turi 2,5 mingdan ortiq, ularni biri biridan ajrata olishda qattiqligi, yaltiroqligi, rangi, chizig‘ining rangi, og‘irligi, sinish yuzasi, ulanish tekisliklari va boshqa shu kabi xususiyatlarini o‘rganish va aniqlash katta e’tiborga egadir.