Kostyum tarixi

 
Qadimgi podsholik davri Misr kostyumlari (mil. avv. 3200–2400-yillar). 
Qadimgi podsholik davriga kelib Misrda fir’avn hukmronligi mustahkamlandi. 
Dehqonchilik, hunarmandchilikning rivojlanishi, savdo aloqalarining yo’lga 
qo’yilishi, qulchilik mehnatidan foydalanish iqtisodiyotning o’sishini ta’minladi.
Qadimgi podshodik davri san’atida me’morchilik yetakchi o’rin egalladi. 
Qadimgi Misr me’morchilik tarixi bevosita podsholarning yirik maqbaralari – ehrom 
(piramida)lar tarixi bilan bog’liq bo’lib, ular qirilish texnikasi, ustalarning yangi 
g’oyalari natijasi bo’ldi. Ilk ehromlar fir’avn Joserga atab, miloddan avvalgi 3000-
yillarda bunyod etilgan, qurilishiga qarab «zinali ehrom» nomini olgan. Ehrom 
me’mori Imxotep Misr me’morchilik tarixida donishmand, toshdan qurilgan 
obidalarning ixtirochisi, astronom va shifokor sifatida nom qoldirgan. Uni mabud 

---

14
Ptaxaning o’g’li deb bilishgan. Joser ehromi Misr me’morchiligida ulkan ehromlar 
qurilishiga asos bo’ldi. Podsho Snofru davrida (mil. avv. 2900) Dashur hududida 
qurilgan ehromi Giza (mil. avv. 2900–2800) ehromlarining ilk namunasi bo’ldi. Giza 
ehromlari fir’avnlar Xufu (greklar Xeops deb atashgan), Xaqra (Xefren), Menkaura 
(Mikerin) tomonidan qurdirilgan.
Gizadagi uch ehromning eng yirigi Xufu ehromi bo’lib, Xemiun nomli me’mor 
tomonidan qurilgan. Uning balandligi 146, 6 metr, asosi tomonlari uzunligi 233 
metrni tashkil qiladi. Ehrom qurilishi uchun 2,5 tonna og’irlikdagi toshlardan 2 300 
000 dona ishlatilgan. Shimoliy qismdagi uzun yo’lak ehromi markazidagi firavn 
sarkofagi qo’yilgan xonaga olib borgan.
Mil. avv. 2700–2400-yillarda qurilgan ehromlar shakl jihatdan Giza ehromlari 
xususiyatlarini saqlab qolgan bo’lsada, shakl jihatidan kichik qilib qurildi. Ularning 
balandligi 70 metrdan oshmay, ishlatilgan toshlar ham shunga yarasha kichik edi. 
Misrdagi iqtisodiy tanglik fir’avnlarni ehromlar qurishga ketadigan xarajatlarni tejash 
va ularni maqbalarni bezatishga ishlatishga majbur qildi.