Kostum va moda tarixi

Erkaklar libosi. Liboslarda yiriqlarga katta e’tibor qaratilgan. 
Natijada, koletlar, ishtonlar, bosh kiyimlar, poyabzallar, 
qo‘lqoplar ham yiriqlar bilan bezaklangan. Kiyimlarda turli 
kesiklardan va katta bezaklardan keng foydalanil gani sababli 
sidirg‘a, bir rangdagi matolar: baxmal, atlas, movut urf 
bo‘lgan. Ranglar jilosi turli-tuman va yorqin bo‘lgan. XVI asr 
boshlariga borib erkaklar paypoq ishtonlar ustidan kalta bo‘ksa 
ishtonlar kiya boshlashgan. Paypoq ishtonlar tizza tepasidan 
kesilib, yuqori ishtonga tortilar va bezak lentalar – bog‘ichlar 

---

73
bilan bog‘lanardi. Erkaklar ustki kiyimi – tugmalari qadal-
maydigan, kengaytirilgan siluetli, astarsiz shaube hamda plash 
bo‘lgan. Libosni yassi bosh kiyimlar, keng tumshuqli, ya’ni 
«sigir tumshuqli» poyabzal to‘ldirgan. Bezaklardan erkaklar 
libosida ham foydalanilgan. 
Ayollar libosi. G‘arbiy Yevropa ayollar libosi ham avval 
Italiya, keyinchalik Ispaniya ta’siri ostida rivojlandi. Karkas 
libosning piramidasimon shaklidan foydalangan holda, ular 
o‘zlarining proporsiyalari va ranglar jilosini yaratganlar. 
Vertyugaden shakli Ispaniyaniki singari voronkasimon 
emas, balki barabansimon, silindrsimon bo‘lib, yubkalar esa 
ispanlarnikidan farqli o‘laroq, zich burma qilingan. Yubkaning 
uzunligi to‘piqqacha bo‘lgan. Dekolte o‘yig‘i renessansga xos 
keng va chuqur qirqim shaklida bo‘lib, u vstavka (qo‘shimcha) 
va qattiq yelpig‘ichsimon to‘rli yoqa bilan bezalgan.