Kostum va moda tarixi

Tabi – yapon libosida oq paypoq.
Tapert – ham beldan qattiq siqib bog‘langan, ham past 
qismi burmali yoki taxlamali (skladkali) bo‘lgan. Tapertlar 
jaketdan uzunroq bo‘lgan (tizzagacha uzunlikda), chetlari 
mo‘l bezatilgan. Belbog‘, yoqa, yeng va yelka choklarga 
qo‘ng‘iroqchalar taqilgan. O‘miz old tomonda ham, orqada 
ham bo‘lishi mumkin edi. Asr oxirlarida tapertlarning ko‘krak 
qismiga va yelkaga mardonavorlikni bo‘rttirib ko‘rsatish uchun 
paxta qistirmalar (prokladka) qo‘yilgan.
Taxya – turkman qizlari do‘ppisi.
Tebetey – keng tarqalgan qirg‘iz erkaklarining qishki bosh 
kiyimi.
Toga – Qadimgi Rim erkaklar ustki kiyimi. U katta 
bo‘lak mato bo‘lib, to‘rtburchak yoki ellips shaklida bo‘lgan. 
Togalarning o‘lchami taxminan 6x1,8 m bo‘lgani sababli, uni 
kiyib olish birmuncha mushkul bo‘lgan. Odatda, ushbu libosni 

---

207
qullar xo‘jalariga kiydirib qo‘yishgan. Togalarni o‘rashning bir 
necha usuli bo‘lgan. Xususan, matoning uchdan bir qismi yelka 
orqali chap yelkaga tashlangan. Toganing bu qismi chap yelka 
va gavdaning chap tomonini yergacha berkitgan. Matoning 
qolgan qismi tananing orqa qismini yopib, o‘ng qo‘lning 
pastidan oldinga tortilgan. Togalarning ko‘rki ularning qordek 
oqligi va burmalarning nozikligida edi. Burmalar an’analar 
asosida shakllangan bo‘lib, qonun bilan mustahkam langan edi. 
Burmalar matoga maxsus tarkibli moddani shimdirish orqali 
mustahkamlangan.