Kostum va moda tarixi

Jaga – qozoq libosidagi yoqa.
Jalbag‘ay – qozoq libosidagi bosh kiyim.
Jalbar – turkman erkaklari ustki bel kiyimi.
Jargak – qozoq libosida mo‘ynasi tashqariga qaratib, echki 
yoki ot terisidan tikilgan ust kiyim.
Ja’dani – uzun va tor soxta yengli yoping‘ich, uni Xorazm 
ayollari kiygan.
Jeyde – qozoq erkaklari ko‘ylagi, o‘tmishda ustma-ust 
kiyilgan.
Jen – qozoq libosida yeng.
Jyustokor – XVII asr Fransiyada qirol va yuqori tabaqa 
vakillari kiyimi bo‘lib, bu kiyim bel chizig‘idan sharf-
belbog‘dan pastga qarab kengaytirilgan, mayda tugmachalar 
va petlyalar bilan qadaladigan tor, tizzagacha bo‘lgan 
uzunlikdagi kiyim turi. Yenglarining yuqori qismi tor bo‘lib, 
u pastga qarab kengaytirilgan va keng qaytarma manjetga 
ega. Ranglar yechimi yorqin va jilvador, oltin va kumush 
bilan kashtalangan. Jyustokor yoqasiz bo‘lib, uning o‘rnini 
oq matodan uchlariga to‘r o‘rnatilgan galstuk egallagan. 
Jyustokorda dastlabki kesma cho‘ntaklar paydo bo‘ldi. Ular 

---

194
pastda joylashgan. Uning tagidan kamzol – yengsiz va 
yoqasiz, jyustokor bilan bir xil bichimdagi kiyim kiyishgan. 
Kamzol jyustokordan 10–15 sm kalta bo‘lib, ularning ranglari 
bir-biriga kontrast qilib tanlangan.