Косая таблица вагонопотоков

4.	2- MTU foydalanish ishlarining asosiy ko‘rsatkichlari .............
58
	Xulosa ................................................................................................	63
	Foydalanilgan adabiyotlar ro‘yxati ................................................	65

Kirish

Poyezdlar harakati grafigi – bu poyezdlar ishini tashkil etishning va temir yo‘l liniyalarining o‘tkazuvchanlik qobiliyatini va harakatdagi tarkibning samarali foydalanishning asosiy vositasidir.

Temir yo‘l transportida texnik foydalanish qoidalarida ko‘rsatilganidek, poyezdlar harakatini tashkil etishning asosini harakat grafigi tashkil etadi va u temir yo‘l korxonalarining barcha ishini birlashtiradi.
Harakat grafigi, poyezdlar harakati bilan bog‘liq temir yo‘l transporti korxonalarining stansiya, texnik xizmat ko‘rsatish punktlari, lokomotiv va vagon depolari, elektr ta’minot uchastkalari, signalizatsiya va aloqa masofalarini barcha ishlar rejasi bo‘yicha umumiy transport konveyeriga birlashtiradi.
Poyezdlar harakati grafigida har bir poyezdning peregon bo‘yicha yurish vaqti, ajratish punktiga qabul qilish, jo‘natish yoki to‘xtamasdan o‘tkazib yuborish vaqti, lokomotivlarning aylanish stansiyalarida bo‘lishi davomiyligi o‘rnatilgan.
Ushbu uslubiy qo‘llanmada 4 ta mintaqaviy temir yo‘l uzelidan (MTU) iborat bo‘lgan temir yo‘lning vagon oqimlarini hisoblash, 2-MTUning texnik foydalanish tavsifini keltirish, uning uchastkalarida mahalliy ishlar hajmini aniqlash va yuk poyezdlar tuzish rejasini hisoblash, 2-MTU uchastkalari bo‘yicha poyezdlar harakat miqdorini aniqlash, o‘rganilayotgan uchastkalarning talab etiladigan (zaruriy) va mavjud o‘tkazuvchanlik qobiliyatlarini taqqoslash natijasida ularni oshirish tadbirlarini belgilash hamda poyezdlar harakati grafigini tuzish, uning va 2-MTUning foydalanish ishlari ko‘rsatkichlarini hisoblash to‘g‘risidagi ma’lumotlar batafsil bayon etilgan.