Korxona laboratoriyasini tashkil etish

Ishlab chiqarish jarayonida texnik-kimyoviy nazorat va o‘tkazish

Texnik-kimyoviy nazorat - bu korxonalarda mahsulot ishlab chiqarishda ularni standart talabiga (bo‘yicha) asoslanganligini, texnikaviy sharoitlarini, texnologik reglamentini va instruksiyaga asoslanganligini ta’minlovchi nazoratdir.

Texnik-kimyoviy nazorat funksiyasiga quyidagilar kiradi:

- yuzaga kelgan sifatsizlikni sababini aniqlash va ularni qaytarilmasligini oldini olish;

- ichimlik suvi, tara sifatini nazorat qilish;

- kelayotgan xomashyoning sifatini, qo‘llaniladigan idishlarni (tara), materiallarni joylanishini nazorat kiladi;

- korxonada ishlovchi hamma xodimlarni shaxsiy gigienani saqlash qoidalariga rioya qilishini kuzatish;

- tayyor mahsulot sifatini, asboblarni (tara) joylashishini, markalar qo‘yilishini va mahsulotni korhonadan chiqarish tartibini nazorat qiladi;

- ketgan xom ashyo xarajati va tayyor bo‘lgan mahsulot miqdorining nazorati;

- uskuna, apparat va idishlarni yuvib dezinfeksiyalash sifatini, rejimlarini, hamda ishlab chiqarishda (sanitarno-gigienik) tozalik xolatini nazorati;

- meva va sabzavotlarga ishlov berish texnologik jarayonlarini nazorati;

- tekshirishlar (analiz) uchun foydalaniladigan reaktivlarni va ularni saqlash tartibini nazorati;

- KIP xolatini nazorat qilish.

Ishlab chiqarish sexlarining tozalik (sanitarno-gigienik) holatini baholashda quyidagilarga asoslanadi: ularning texnologik va mikrobiologik sifatini nazoratiga, apparat, inventar va idishlarning yuvilish sifatiga, hamda korxonaning va ishchilarning ish joylarini tozalik holatlarini kuzatishga asoslanib baholanadi.

Ishlab chiqarishda nazoratni uyushtirishdan maqsad shuki, me’yoriy-texnik hujjatlarga ko‘rsatkichlarga javob bermaydigan mahsulot ishlab chiqarishni oldini olish, texnologik jarayonlarni buzilishini oldini olish va qurilma hamda uskunalarni sanitar-gigienik holatlarini yuqori darajada tutishdan iboratdir.

Texnik-kimyoviy nazorat o‘tkazishning dastlabki bosqichida (kirish nazoratida) xom ashe sifati tekshiriladi. Ushbu nazoratni xom ashyoni etishtirish bazasida boshlash lozim, kirish nazoratini ishlab chiqarishda qo‘llaniladigan qo‘shimcha materiallar (tuz, shakar, yog‘ va boshqalar), taralar va o‘zga tashqaridan qabul qilinuvchi har qanday mahsulot ustidan ham o‘tkaziladi.

3.