Коррупция лот. Corrumpere — бузмоқ

Ўзбекистон республикаси президенти ҳузуридаги давлат хизматини ривожлантириш агентлиги - давлат органлари ва ташкилотларида ходимларни бошқариш ва инсон ресурсларини ривожлантириш соҳасида ягона давлат сиёсатини амалга ошириш учун масъул давлат органи ҳисобланади. Агентлик Ўзбекистон Республикаси Президентининг 2019 йил 3 октябрь,Ўзбекистон Республикасида кадрлар сиёсати ва давлат фуқаролик хизмати тизимини тубдан такомиллаштириш чора-тадбирлари тўғрисида ПФ-5843-сонли Фармони асосида ташкил этилган.
Деонтология – давлат хизматчиларининг асосий мажбуриятлари, уларга қуйиладиган чеклов ва таъқиқлар мажмуи тўғрисидаги таълимот. 1834 йилда Инглиз ҳуқуқшуноси ва файласуф Иеримия Бентам (1748-1832 й.) «Деентология, одоб тўғрисидаги таълимот» деган асарида илк бор давлат хизматчиларининг асосий мажбуриятлари, уларга қуйиладиган чеклов ва таъқиқлар мажмуи яратади. Кейинчалик унинг таълимоти асосида деярли барча Европа давлатларида соҳавий деентология кодекслари қабул қилинади
Коррупцияга қарши комплаенс назорати – давлат органлари ва хўжалик юритувчи субъектлар фаолиятини коррупцияга қарши курашиш соҳасидаги халқаро стандартлар, қонун ва бошқа меъёрий ҳуқуқий ҳужжатларга мувофиқ ташкил этувчи, коррупция хавф-хатарлари, манфаатлар тўқнашувини ўз вақтида аниқлаш ва чек қўйиш, қонун бузилиш ва коррупцияга оид ҳуқуқбузарликлар ҳақида хабар беришни ўзида мужассам этган профилактик тизимдир.
«Коррупцияга қарши бошқарув тизимлари – фойдаланиш учун талаблар ва тавсиялар» халқаро стандарти ISO 37001:2016 – бу ташкилотда коррупцияга қарши курашнинг самарали тизимини яратишнинг халқаро усулларини ўзида жамлаган, коррупцияга қарши мукаммал бошқарув тизимини йўлга қўйишга хизмат қиладиган халқаро стандартдир. Стандарт
- коррупцияга қарши сиёсатни ишлаб чиқиш;
- коррупцияга қарши тадбирларнинг бажарилишини назорат қилиш учун масъулларни тайинлаш;
- ходимларни ўқитиш;
- коррупция хавфларини баҳолашни ўтказиш;
- молиявий ва тижорат назоратини олиб бориш, ҳисоботлар юритиш ва бошқаларни жорий этишни талаб этади.
Ўзбекистон Республикаси Жиноят кодексида мавзуга оид бир қатор
атамаларнинг ҳуқуқий маъноси берилган.
Анча миқдор — базавий ҳисоблаш миқдорининг юз бараваридан уч юз бараваригача бўлган миқдор.