Korporativ boshqaruv: prinsiplar, siyosat va amaliyot

 
 
 
 
 

---

 
 
215 
14-BOB. Kengash raisi: majlislar zalidagi haqqoniyligi 
Reja: 
 
14.1. Kengash raisi huquq va majburiyatlari 
 
14.2. Kengash raisi: majlislar zalidagi haqqoniyligi 
 
14.3. Kengashining a’zolarini saylash 
 
Tayanch  iboralar:  kuzatuv  kengashi,  kuzatuv  kengashining  raisi,  kuzatuv 
kengashi  a’zolari,  kuzatuv  kengashining  majlisi,  majlis  kun  tartibi,  Xalqaro 
moliyaviy hisobot. 
  
 
14.1. Kengash raisi huquq va majburiyatlari 
 
Jamiyat kuzatuv kengashining raisi: 
    Jamiyat  kuzatuv  kengashining  raisi,  kuzatuv  kengashi  a’zolarining  umumiy 
soniga  nisbatan  ko‘pchilik  ovoz  bilan,  ushbu  kengash  tarkibidan  kuzatuv  kengashi 
a’zolari tomonidan saylanadi. 
 
Jamiyatning kuzatuv kengashi, o‘z raisini kuzatuv kengashi a’zolarining umumiy 
soniga  nisbatan  ko‘pchilik  ovoz  bilan  qayta  saylashga  haqli.  Jamiyat  kuzatuv 
kengashining raisi uning ishini tashkil etadi, kuzatuv kengashi majlislarini chaqiradi 
va  ularda  raislik  qiladi,  majlislarda  bayonnoma  yuritilishini  tashkil  etadi, 
Aksiyadorlarning  umumiy  yig‘ilishida  raislik  qiladi.  Jamiyat  kuzatuv  kengashining 
raisi  bo‘lmagan  taqdirda  uning  vazifasini  kuzatuv  kengashining  a’zolaridan  biri 
amalga oshiradi. Jamiyat kuzatuv kengashining raisi vakolatiga Aksiyadorlar umumiy 
yig‘ilishining  audio-video  yozuvi  va  internet  tarmog‘idagi  translyasiyasiga  ruxsat 
berish  masalasi  ham  kiradi.  Jamiyat  kuzatuv  kengashi  yillik  moliyaviy  hisobotlarni 
Xalqaro moliyaviy hisobot standartlariga muofiq tarzda e’lon qilishga o‘tish bo‘yicha 
amalga  oshiriladigan  ishlarni  muvofiqlashtiradi.  Jamiyat  yoki  u  joylashtirgan 
Aksiyalarning  hammasi  bo‘lib  kamida  bir  foiziga  egalik  qiluvchi  Aksiyador 
(Aksiyadorlar)  jamiyatga  etkazilgan  zararlarning  o‘rnini  qoplash  to‘g‘risidagi  da’vo 
bilan jamiyatning kuzatuv kengashi a’zosi ustidan sudga murojaat qilishga haqli.