Korporativ boshqaruv: prinsiplar, siyosat va amaliyot

 
13.3. Kuzatuv Kengash a’zolarini taqdirlash 
 
Jamiyat  kuzatuv  kengashining  a’zolari  o‘z  huquqlarini  amalga  oshirishda  va  o‘z 
majburiyatlarini  bajarishda  jamiyatning  manfaatlarini  ko‘zlab  ish  tutishi  hamda 
belgilangan tartibda javobgar bo‘lishi lozim. 
 
Agar  ko‘rsatilgan  qoidaga  muvofiq  bir  nechta  shaxs  javobgar  bo‘lsa,  ularning 
jamiyat oldidagi javobgarligi solidar javobgarlik bo‘ladi.Jamiyatga zarar etkazilishiga 
sabab  bo‘lgan  qarorga  ovoz  berishda  ishtirok  etmagan  yoki  ushbu  qarorga  qarshi 
ovoz  bergan  jamiyat  kuzatuv  kengashi  a’zolari,  javobgar  bo‘lmaydi  bundan 
«Aksiyadorlik  jamiyatlari  va  Aksiyadorlarning  huquqlarini  himoya  qilish 
to‘g‘risida»gi  O‘zbekiston  Respublikasi  Qonunining  90-moddasida  belgilangan 
hollar  mustasno.Jamiyat  yoki  u  joylashtirgan  Aksiyalarning  hammasi  bo‘lib  kamida 
bir  foiziga  egalik  qiluvchi  Aksiyador  (Aksiyadorlar)  jamiyatga  etkazilgan 
zararlarning  o‘rnini  qoplash  to‘g‘risidagi  da’vo  bilan  jamiyatning  kuzatuv  kengashi 
a’zosi ustidan sudga murojaat qilishga haqli.  
 
Jamiyat kuzatuv kengashi majlisining bayonnomasi imzolangan kuni jamiyatning 
ijroiya  organiga  ijro  etish  uchun  topshiriladi.  Kuzatuv  kengashi  Aksiyadorlarning 
umumiy  yig‘ilishini  chaqirish  to‘g‘risida  qaror  qabul  qilgan  taqdirda  mazkur  qaror 
haqidagi  axborot  jamiyatning  ijroiya  organiga  kuzatuv  kengashining  majlisi 
o‘tkaziladigan kuni topshiriladi