"Koronavirus pandemiyasi davrida aholi va tadbirkorlik sub’yektlarini qo‘llab‑quvvatlash bo‘yicha navbatdagi chora‑tadbirlar to‘g‘risida"

Aholi va biznes uchun muhim imtiyozlar to‘plami
26/05/2020
kirill alifbosida o‘qish
O‘zbekiston Respublikasi Prezidentining 2020-yil 18-maydagi "Koronavirus pandemiyasi davrida aholi va tadbirkorlik sub’yektlarini qo‘llab‑quvvatlash bo‘yicha navbatdagi chora‑tadbirlar to‘g‘risida"gi PF-5996-sonli Farmonida soliqlardan ozod qilish, jarimalar va penyalarni hisobdan chiqarish, soliq to‘lovini kechiktirish va tadbirkorlarni qo‘llashning boshqa choralari orqali soliq yukini kamaytirish o‘z aksini topdi.
Xususan, 2020-yil 1-iyundan 1-sentabrgacha kichik korxonalar ikki turdagi – yer va mol-mulk soliqlarni to‘lashdan ozod qilindi.
Imtyozga ega bo‘lganlar:
- bozorlar va savdo majmualari;
- kinoteatrlar;
- umumiy ovqatlanish korxonalari;
- jamoat transportlari korxonalari;
- sport-sog‘lomlashtirish muassasalari;
shuningdek, yo‘lovchi tashish, maishiy xizmat ko‘rsatish, binolarni, shu jumladan banketlar tashkil etish uchun ijaraga berish faoliyati bilan shug‘ullanadigan yuridik shaxslar.
Bugungi kunda mamlakat bo‘yicha imtiyozga ega bo‘lgan 142,5 mingta kichik biznes vakillari mavjud bo‘lib ular 332,8 mlrd. so‘mlik soliqlardan ozod bo‘ldi. Bu summa ikki turdagi – mol-mulk va yer solig‘i hissasiga to‘g‘ri keladi.
Kichik tadbirkorlik sub’yektlariga 19.03.2020 yildagi PF-5969-son va 3.04.2020 yildagi PF-5978-son Farmonlarga muvofiq, foizsiz kechiktirish (bo‘lib-bo‘lib to‘lash) taqdim etilgan, aprel-may oylari uchun to‘lanishi lozim bo‘lgan mol-mulk va yer solig‘i summalaridan voz kechildi.
Bugungi kunda, ushbu huquqdan foydalanishni istagan 4 259 ta sub’yekt soliq organlariga murojaat qilgan. Natijada 2 422 soliq to‘lovchining 123 milliard so‘m miqdordagi kechiktirilgan soliqlaridan voz kechildi. Yana umumiy miqdori 109 mlrd. so‘m bo‘lgan 1 837 ta murojaat ko‘rib chiqilmoqda.
2020-yil 1-yanvardan boshlab 2020-yil 15-maygacha bo‘lgan muddatda kichik biznes sub’yektlarining yer va mol-mulk solig‘i bo‘yicha hosil bo‘lgan penya va jarimalar summalaridan ham voz kechildi.
Soliq organlarining hisob-kitoblariga ko‘ra, joriy yil boshidan va koronavirus pandemiyasi davrida kichik biznes korxonalarida 4,6 mlrd. so‘m miqdorida penya va jarimalar yig‘ilib qolgan. 16,251 ta korxonaning ushbu qarzdorlik summalari to‘liq hisobdan chiqarildi.
2020-yil 1-maydan 1-iyulgacha mikrofirmalar va kichik korxonalar uchun ijtimoiy soliq stavkasi 12 %dan 1%gacha pasaytirildi.
Natijada 1 681 769 ta ish o‘rni tashkil etilgan 328 782 ta mikrofirmalar va kichik biznes soliq to‘lovchilariga soliq yuki kamaytirildi.
Ularga hisoblangan ijtimoiy soliqning umumiy miqdori 601 mlrd. so‘mni tashkil etadi, ammo stavkaning sezilarli darajada pasayganligi sababli soliq to‘lovchilar byudjetga atigi 50 milliard so‘m to‘laydi. Taqdim etilgan imtiyoz miqdori 551 mlrd. so‘mni tashkil etadi.
Mikrofirma va kichik korxonalarning aylanma mablag‘lari kamayishining oldini olish maqsadida soliqlar, penyalar va soliq qonunchiligini buzganlik uchun hisoblangan jarimalar bo‘yicha mavjud bo‘lgan qarzdorlikni undirish 2020-yil 1-sentabrgacha to‘xtatiladi.
Soliq organlarining ma’lumotlariga ko‘ra, 2020-yil 15-may holatiga 79 983 ta mikrofirma va kichik korxonalarning byudjetga to‘lanishi kerak bo‘ligan qarzdorligi 191 milliard so‘mni tashkil etadi.
Davlat soliq xizmati organlari 2020-yil 15-may holatiga ularning bankdagi hisobvaraqlaridan pul mablag‘larini hisobdan chiqarish va o‘tkazish bo‘yicha inkasso topshiriqnomalarini chaqirib oladi.
Bundan tashqari soliq to‘lovchilar 2020-yil 15-may holatiga soliq majburiyatlarini bajarish bo‘yicha ijro etilmagan to‘lov topshiriqnomalarini qaytarib olish huquqiga ega.
DSQ Matbuot xizmati
DSQ matbuot xizmati
YangiliklarE’lonlarRahbariyatning chiqishlariPress-relizlarMedia rejalarAkkreditatsiyaInfografikaSoliqlar tarixi muzeyiSoliqlar bolalar nigohidaDSQ ochiq hayʼat majlislarida hozir bo‘lish tartibiElektron risolalar
Media materiallar
DSQ faoliyati to'g'risidagi ma'lumot olish uchun so'rov
Asosiy ko'rsatkichlar
Barchasini ko'rish